حبيباتياشكرج ع نشر المشكله
صباح الخير ,, مشكوووووورة ويزاج الله الف خير ,,, البنات ما قصرن عطني دفعات معنويه ,, الحمدالله وان شالله احقق اللي فبالي ,, والله يحفظج ويسعدج دنيا
بالنسبه للاخت ،،، حبوبه انا ما عرف ليش تسمحين لاختج انها اتهبط من معنوياتج ؟؟؟ يعني نست نفسها ترى هي بعد عرست وهي متينه ،،، وبعد الغاليه انتي لازم اتحطين هدف جدامج وهو رعاية نفسج وصحتج ،،، انتي حطي في بالج انج بتضعفين علشان نفسج وصحتج (( يعني حبي نفسج واهتمي بعمرج )) علشان نفسج مو علشان الناس والريل ونظرة المجتمع لج
حطي لج جدول باهدافج في الحياه وثقي بنفسج وقدراتج ولا تسمحين لحد انه يهبط من عزيمتج بالعكس ابتسمي في ويوهم وقولي بينج وبين نفسج باجر انا اللي بضحك
الله يوفقج ويرزقج العزيمه والريل الصالح
اختج
*أم شهد*
من صدجج أنت جي متأثرة بكلام أختج ما عليج حبيبتي ما يخصه بالشكل أنا ما أقصد أذم حد بس شي بنات مب حلوات مووووووول وما شاء الله معرسات و شي بنات الله يحفظلهم جمالهم يخلي الحرمة قبل الريال تصخ يوم تشوفهم و مب معرسات ما يخصه بالجمال في أهم من هالشي شي أسمه قبول أهم من الجمال و الرشاقة و فوق كل هذا شي أسمه نصييييييييييييييييييب
تعرفين أنا دوم أقول الحمد لله أن النصيب و الرزق بأيد رب العالمين مب بأيد حد من عباده لأن مقايسهم بالدنيا ظالمة
وأذا عالرياييل أنهم يحبون الرشيقات مب كلهم ترى شي منهم يحبون المربربات( أنا مب معرسة بس أسمع هالشي) بس كل شي معتدل حلو لا تاخذين كلامي حجة و ما تحاولين تضعفين
تعرفين شي أحسن شي يوم أختج تقولج شي قوليلها شكرا من ذوقج وأسكتي عنها و خلي كلامها يجرحج بشكل أيجابي و أصري أنج تراوينها أنج قادرة على كل شي
أنا بعد ربروبة شوي وأمي كل شوي تقولي محد بياخذج أضعفي ووووو" فديتها تخاف أطيح بجبدها و أنا أكبر بناتها خخخ و قريب بصير بعمرج تقريبا بس كوووول " بس كنت أطنش ألحين حطيت براسي بضعف بضعف أنتي بعد عزمي و حاولي حتى لو خذيتي وقت بس أصري وأستمري و مب لازم عملية شي أجهزة بالصالونات و العيادات ألحين تساعد أنج تضعفين و يا رجيم أكيد تعرفينها بس أذا تبيني أخبرج العيادات و أسم الجهاز راسليني عالخاص هو غالي شوووووي بس ما عليه حاولي و أذا تبين بنسوي برنامج سوا و بنشجع بعض
حبوبة لا تخلي شي يهزج و الزواج مب أخر الدنيا كلنا بنات و نبى نعرس و نفرح و تصير لنا بيوت و عيال بس ما بنوقف حياتنا على هالشي
الله يوفقج حبيبتي و تفائلي
في مثل أنا دوم أقوله لنفسي بقوله لج بس لا تزعلين هو مثل سوري يضحك بس يخليج تتفائلين "" كل قمحة مسوسة لها كيال أعور "" مهما حسيتس أن فيج عيوب وووو بعد أنت أحسن عن غيرج
و خلي أيمانج بالله قوي و أن الله بييعتلج الي يستاهلج و الي بيشوف جمالج الداخلي الي بيطغى على كل شي و الجمال الخارجي بالأيام يروح و ما يتم غير الي بداخلنا
الله يوفقج انشالله ..
الحلوات و الي هب حلوات معرسات
و كل حد يااخذ نصيبه و لا تعكرين مزاجج
عيشي حياتج في طاعة الرحمن و إدعي رب العالمين يرزقج الزوج الصالح
و لا تهتمين بكلام اختج و لربما هي تبا تشجعج لكن سبحان الله من يكون عندنا شي
نفهم الكلام دائما غلط و هي لربما قالت خلني اعلق عليها عسب تضعف و إلا اختج اكيد
تبغي لج الخير و ودها تتزوجين اليوم قبل باجر و تفرح فيج
لا تعقدين الامور فديتج و الموضوع سهل ما يبغيله غير التوكل على الله هو بيده الرزق كله