واللـــــــه الحيــاة مليــــانه سوالــــف و علــــــــوم الله يعينا و يرحمنا..سالفتيـــهـ انهـ ريلـــــي هااااااااااااادي بشكـــــــــــــــــل فضيــــــــــــــــــــــع و انا بعد هاديه"اتخيلو كيف جونا!!" ارمس بس باختصار
دوم احاول اسوي نقاش او سالفهـ عشان نرمس انا ما اعرف ارمس وايد اصلا ,,ريلي عادي يسكت و هو ويايهـ حتى لو لمدهـ 2و3 ساعات ,,هو يقولي انا احاول افكر بشي نرمس فيهـ او سالفهـ "المشكله هو ما يسير مكان من البيت للدوام و الدوام للبيت " فكل السوالف اعرفها,,,
في مشكلهـ و لا عادي الوضع ؟؟؟
انا من الخوف انهـ اتكون هاي مشكلهـ ارمس عن كل حركه اسويها من اصبح لين امسي خخخخ و عن كل السوالف اللي تنقالي و عن ربعي و اهلي كل شي ما اخلي شي بس عشان اغير جو الهدوء خخخ
شو رايكم ,,,
بغيتـ نصيحهـ ,, لو سمحتو ^^
و يزاكم اللــــه خير مقدمــــا
امممم تناقشوا حتى لو بامور الدين
اى شي بس لا تتمين جي ساكته
ربي يسخرلج ريلج ويوفقكم لكل خير 
غاليتي روتين الحياة من أهـم سلبيات العلاقـــة الزوجيــة !
والهدوء المفرط قاتــــل للسعادة
لازم لازم لازم تسويلج برنامج ترفيهي مع ريلـــج ^_^
ادوري الشي الي يعيبه بليسيشن مثلا شطرنج .. أي لعبــة هو يلعبها ويتسلى بها اتعلميها واستوي تتحديه ( لا تفوزين عليه وايد بزعـــل هههه)
اذا يحب السيارات بعد اقري عنها وعن يديدهــأ .. ^_*
حاولي تسوي لج برنامج ديني وياه ولو ركعتين قيام مثلا مع بعض ,, تحيون فيها علاقتكم مع الله ,, وتجعل لكم بركـــة في زواجكــم
اقري عن رسولنا وحبيبنا وسنته وكل يوم ضيفي لريلج معلومة وزيدي من رصيدج عند الله سبحانه وتعالى
تمي اطالعين برامج دينيـــة وفتاوي ومن يي البيت ناقشيه وضيفي لمعلوماته ^_^
اقري عن الحيوانات النباتات ونفس الشي سولفي مع ريلج عنها حسب اهتماماته
لا تخلين الهدوء عادة في حياتكم لإنه شي مب صحــتي ^_^
وربي يسخركم لبعض ويجعلج قرة عينه يارب
موول لا ترمسين ريلج عن ربيعاتج او حريم …
اعرف وحده دوووم تتكلم لريلها عن حريم وهايك حلوة وهايك سوت وسوت ودوووم تتكلم ع وحده والله عرس فوق حرمته بهايك اللي دوووم تتكلم عنها . وشو ماينفع الندم بعدين ..
ارمسية عن شوووق الحب اي شيء ثاني ..
بس يعني جي علمي ومرني انه يخبرج كل شي ويفتح وياج موااضيع
شوفوا فيلم سووووووووا مع بعض عسب تتناقشون شو صار شووف يعني تي في مع بعض اخبار مسلسل اي شي
هالاشياء كلها تساعد بعون الله انه تفتح مواضيع مابينكم
الله يخليكم لبعض
لاترمسينه عن البنات بعدين بيحطهن في باله ياقلبي
احسن لج عوديه على الهدوءءءءءءءءءءء عقب اعيالكم بيتعودون على الهدوء