يلست أفكر , هل يمكن اعيش لين باجر , سبحان الله يمكن أموت فجأ وأنا اتحرا عمري طويل بعده … من كم يوم سمعت عن وحده من ربعي سبحان الله كانت بخير بس فجأ طاحت في غيبوبه وماتت . الله يرحمها.. وكانت بعدها في بداية العشرينات , يعني جي فجأ أستو هذا بدون ماتعرف ان يومها قريب جدا يعني بس خطوه وحده وتروح عن هاي الدنيا …
تميت اصيح وانا أفكر يمكن يكون يومي قريب وووايد يمكن باجر والا ورا باجر وانا ماسويت شي في الدنيا هل بضمن أني أدخل الجنه هل أضمن أني أنجى من عذاب النار والقبر عمري راح في مشاهدة المسلسلات وسماع الاغاني والنميمه والغيبه واللعب وهمي بس الدنيا , مافكرت أني يمكن في غمضت عين أني أروح من ها الدنيا ماحاسبة نفسي قبل ما الله يحاسبني , مافكرت أن ها الدنيا الامجرد حلم نعم بيكون مجرد حلم يوم بموت أخاف أموت وأتمنى بعدين أرد للدنيا وما أقدر أرد لها علشان أعدل واعمل لأخرتي …
خواتي الدنيا صارت تخوف … ووايد صح أنا ما ودي أعيش فيها لاني كرهتها , بس أبا أدخل الجنه والله ما أبا أروح عن ها الدنيا وأنا ما مسويه شي …
خواتي هل فكرتن بها الشيء ؟؟؟
الله يرحمنا بررررررررحمته
انتي حسيتي انج سويتي اعمال اتكفي انج ادشين الجنه؟؟؟؟ محد ضامن عمره صح اختي الدنيا بخير والله الدنيا بخير والله قال عيشوا بس بحساب بايمان بخوف من الله .. لا تياسيين واتقربي من ربج والله بيفرجها عليج والله و الحين بقوم بصلي المغرب بدعيلج …خخخخخخخخخخخ
كنت اخاف تغمض عيني اخاف من ملك الموت يجيني تخيلي ما كنت ارقد او احس اني راقده وعيوني مفتوحه
لله يرحمنا برحمته انشاء لله
سبحان الله انا دوم احاسب نفسي لو اتم وايد ع النت اقول لو مقضيه هذا الوقت اقرا قرآن هب ابرك لي عن مجابل النت اللي ماوراه فايده لو مصليه لي ركعتين هب احسن عن السوالف اللي ماوراها فايده غير تضييع الوقت في اشياء ماتجني لشخص غير الذنوب
يارب اتوب علينا وتتوفانا ونحن ساجدين لك يارب
انا الحمدلله ماسوي شي غلط بس الوحده دوم تشوف نفسها مقصره في عبادة ربها وتبغي الافضل والاحسن
اسأل الله حسن الخاتمه وحسن العمل ..