أشحالــكن خواتـــي .. إن شاء الله بخير و عافيــة ..
بغـــيت ادردش معاكـــن عن موضوع البشاكير ..
أنــا متزوجة من سنتين تقريبا ، و الله رزقنـــي بعبادي من شهرين ، وأحس المسؤوليه زاااايده عليه .. للعلم إني ربت بيت ، و أبحث عن وظيفة .. و بيتي صغيرون ..
و أريد أييب بشكاره ، بس خايفه .. أحس انها مسؤوليه ،، و أخاف ع ريلي .. اتعرون سوالف الريايل ..
انــزين ..
بشو تنصحوني .. أييب و لا ؟؟
شو اجابيات البشكارة و شو سلبياتها ؟؟
شو أحسن جنسية للبيبي ؟؟ اريدها تهتم بنونو ؟؟ إذا الله رزقني بوظيفة ..
كيف ارتب جدولهـــا ؟؟ شو المهام الرئيسة للبشكارة؟؟
و للعلم أن دوام ريلي شفتات .. يعني يتواجد ف البيت و أنا ممكن أكون ف الدوام .. شو أسوي بهالحالة
خاايفه واايد منهن من كثر ما نسمع عن بلاااويهن
ان شاء الله حد يفيدنااا
بهتـم في بيتـي و بالياهـل و في ريلـي ,,
و مـا بفكـر بالوظيفـه إلا بعـد مـا يكبر ولدي إشوي و يدخـل الروضه ,,
(( أجـلي سالفـه الوظيفـه ))
و رتـبي وقتـج .. و حـاولـي تنظفين بيتـج أول بأول ,, عسب مـا تتعبين ,, يعني حددي يوم فالإسبوع
ترتبين فيـه ,, و علمـي ريلـج إن يحمـل المسئوليه وياج ,,
لأن إذا يبتـي الخدامـه ,, بترتبطين فيهـا + بتيلسين تحاتين الياهـل + بتيلسين توسوسين يوم بيكون ريلج و الخدامه بروحهم فالبيت ( الشيطان لاعب دوره )
و إذا كنتي محتاجه الوظيفه .. لا تيبين خدامـه و ودي ولدج عند الوالده أو الحضانـه ( بعد مـا يكمـل تقريبا 6 شهور )و ييبي الغدا من بيت أهلج أو بيت أهل ريلـج
ادعيلي بالذريه الصالحه
عسى ان تكره شي وهو خيراً لكم…
بشو تنصحوني .. أييب و لا ؟؟
ولا وحده لانه من المليون وحده ممكن تلاقي وحده تشتغل بذمه وبضمير و 70% منهم يتغربن للمسخره
طبعا ربة البيت هو الى تقدر تضبط البيت…
شو اجابيات البشكارة و شو سلبياتها ؟؟
مالهم غير انهم يخلصون شغلج لا مب بذمه بعد
اما السلبيات حدث ولا حرج ومنها انهم ما تهتم بالشغل لو ماكنتي مراقبه عليها
وكل يوم عيدي الرمسه ، قويات ، يستهبل ، اذا شافو الحبل ع القارب رحتي فيهااا انتي واليهال
يستخدما التلفون فتره غيابج حتى لو ما كان دولي ، ممكن تلاقين عندهااا موبايل ، علاقات ، مرض ، حقد ، حقهم يبون كامل امكمل اما شغلج على حسب مزاجهم …
شو أحسن جنسية للبيبي ؟؟ اريدها تهتم بنونو ؟؟ إذا الله رزقني بوظيفة ..
حرام والله حرام لا خدامه ولا غيره
كيف ارتب جدولهـــا ؟؟ شو المهام الرئيسة للبشكارة؟؟
انتي فكري فيهااا وخاصه انج ادوميين وريلج يداوم بس شفتات عااادي ما تشوفينه
و للعلم أن دوام ريلي شفتات .. يعني يتواجد ف البيت و أنا ممكن أكون ف الدوام .. شو أسوي بهالحالة؟؟؟
في هذي الحاله شيلي فكره الشغل والخدامه من بالج وانتي بترتاحين
المشاركة الأصلية كتبت بواسطة الحسن المثير 
خاايفه واايد منهن من كثر ما نسمع عن بلاااويهن
ان شاء الله حد يفيدنااا
الله يقومــج بالسلامــة عزيزتـــي .. و ييسر أمورنـــا ..
مشكورة ع الرد ..
المشاركة الأصلية كتبت بواسطة غيورة بهتـم في بيتـي و بالياهـل و في ريلـي ,,
و مـا بفكـر بالوظيفـه إلا بعـد مـا يكبر ولدي إشوي و يدخـل الروضه ,,
(( أجـلي سالفـه الوظيفـه ))
و رتـبي وقتـج .. و حـاولـي تنظفين بيتـج أول بأول ,, عسب مـا تتعبين ,, يعني حددي يوم فالإسبوع
ترتبين فيـه ,, و علمـي ريلـج إن يحمـل المسئوليه وياج ,,
لأن إذا يبتـي الخدامـه ,, بترتبطين فيهـا + بتيلسين تحاتين الياهـل + بتيلسين توسوسين يوم بيكون ريلج و الخدامه بروحهم فالبيت ( الشيطان لاعب دوره )
و إذا كنتي محتاجه الوظيفه .. لا تيبين خدامـه و ودي ولدج عند الوالده أو الحضانـه ( بعد مـا يكمـل تقريبا 6 شهور )و ييبي الغدا من بيت أهلج أو بيت أهل ريلـج
ادعيلي بالذريه الصالحه
يزاج الله خير حبوبة .. أشكرج ع النصيحة .. بس أنا محتايه بشكارة ..
أحس عمري واااايد مهمله بعمري . و عبادي ماخذ وقتي كله ..
الله ييسر لنا أمورنـــا ^_^