ان قررت اطلق منه هل قراري صائب ام لا
تعبت ابصراحه منه وايد صبرت عليه اتخيلو ملابسه توصل لين غرفتي وغيره وغيره
بذمتكم في رياييل وقحين لهدرجة
اتريه رددوكم سااااااااااااااعدوني
حبيبي لو كنت مكانج جان اتطلقت منه ما بستحمل استمر مع شخص جي راح يذبحني وانا حيه
لان الانسان صعب يغير طباعه..بوطبيع ما يغير طبعه لو قصو صبعه
وانتي شكلج ما تزوجتي عن حب وماراح يصعب عليج الفراق ..
بس المشكله الوحيده ولدج .. راح يتشتت شو راح تسوين له؟
اشحقة تزوجج انتي و هو يحب وحده اصلا …..
المشكله اكبر منه بعد …..
الطلاق احسن لج و لولدج ……..
لو هوه صدق رياااااال مااا مد يده ع حرمة ……..
لا حول و لا قوة إلا بالله …..
الله يعنيييج ..
انآ مآ اشوف اللي سويته غلط ^^
ربي يكون في عوونج
و اذا أهله ما عندهم تقدير لج و لا احترام لشخصيتج فأقولج بيعيه هو و أهله ^^
المفروض يحسون فيج ويوقفون ولدهم عند حده مب يوقفون ضدج لانه ولدهم غلط ويستاهل العقاب …
أقولج اللي باعج بيعيه … و ريلج شكله بعده طايش و كل يوم بيرسى على بر .. وحتى هالعشيقه صدقيني بيي يوم وبيطلقها وبياخذ غيرها ^^
فلا تزعلين بالعكس استانسي وافرحي انه الله كشفه حقج و بانت نواياه …
لو تحسي انه ممكن ينصلح حاله اصبري عليه وعامليه بالحسنى واذا تحسين حاله عوي ( أعوج ) وهذا اللي أنا أشوفه لانه يضربج ويهينج ويسمح لبنت الشوارع انها تغلط عليج وتهينج ويسكت ؟؟ معناته ما يحبج !
الله يرزقج بالزوج الصالح ويعوض صبرج خير ان شاء الله …
و ولدج لا تحاتيه ان شاء الله بيعيش معزز مكرم في بيت أهلج و حاولي تشتغلين و تصرفين على ولدج لين تنزل لكم النفقه ^^
و دايما رددي حسبي الله ونعم الوكيل والله ياخذ لج حقج …
اقول لو بامكانج تصبرين وتبين تعيشين ولدج في حضن ابوه
ارضي بالامر الواقع ولاتنسين ان ربج فوق الكل
طبعا يلسي عنده بشروط انه يوفر لج سكن خاص ويعدل بينكم
وكما تدين تدان ان شاء الله مابيتهنى وياها..ويمكن ربج رايد لج ويمتحنج ….
لكنج بتقدمين تضحية عظيمة..واذا ماتقدرين والله مالومج وانسب حل هو الطلاق