انا اعاني من حصى المرارة …. وهالشي حديث العهد يعني من فترة
حسيت بآلام الحصى أول مرة لما كنت حامل ببنتي الشهر التاسع بس ساعة ونص ساعتين وراح الحمدلله
ثاني مره ياني بعد الولادة بأسبوعين وتم من الساعة وحده الين الساعة ثمان الصبـــــــــح يعني ثمان ساعات وراح الحمدلله وبهاليوم عرفت اني اعاني من حصوات المرارة وخبروني اني لازم اشيل المرارة بالمنظار عشان ارتاح (يعني اسوي عمليه)
ماصدقت ….
خفت عني هالحالة حوالي شهر ونص شهرين والحين رجعتلي وماراضية تخف عني!!! سبحان الله !!
بصراحة الم كريــــــــــــــــــه وفظيع جدا جدا لايحتمل يبدأ بالظهر وبالبطن من فوووق يتسبب بآلام مثل طعن السكاكين تمنعني من الراحة من المشي من التنفس من كل شي يعني عذاب فعذاب والله بالغصب امشي واخدم عيالي
والسبب التغذية السيئة يعني التخبيص بالأكل ….
وهذي انا ما شاء الله علي آكل واخبص بالأكل لسبب وبدون سبب … ويقولون بعد السمنة انا وزني 90 مادري سمنة اولا وع كل حال انا ناوية بإذن الله اسوي رجيم
الحين انا اكتب وانا اتعصر من الالم ذبحني مووووووت
بس بعدني مارحت المستشفى …. وبصراحة خلاص مصدقة انه فيني حصى بالمرارة وودي اسوي العملية اليوم قبل باجر بس اللي يمنعني بنتي توها عمرها شهرين ومعتمدة ع حليبي وماتصبر عني كيف بخليها كيف
اللي قهرني زوجــــــــــــــي … مادري حسيته مل مني ومن كثر ما اتشكى 😐
انا اباه يتحرك يوديني المستشفى طواري اي مكان
قبل يوم ياني الويع شافني كيف تعذبت غمضته ووداني الطواري الحين هو يدري اني اموت من الويــــــــــــع
بس نش من الرقاد تووه ماتنزل يسأل شخبارج وشو صحتج بعده الالم ولا لا ؟؟
يشوفني حزينة وضايجة وسرحانه ساكت ماقال شي يعني ماحاس فيي ابد
والادهى والأمر انه حاتى عياله وصحتهم وماحاتاني مع انه يدري اني مب صاحية يعني لولاي انا منو بيربي عياله ومنو بيداري ع صحتهم ومنو بيدير باله عليهم ؟؟!!
والله اني اكتب ودموعي تسيل ع خدي ..
انا ادري ليش مااتكلم ولاحتة اتنزل يقول بمر عليج اليوم بوديج المستشفى ..
لأن عنده تريننج يعني تدريب فالدوام وممنوع يترخص …. وهو يقدس الدواااااام تقديس حتى لو على حساب صحتي
انزين يعني امووووووووت ؟؟؟؟؟؟؟؟؟
والله اني فكرت اني عالاقل لومت بيحس بالندم ❗ 😡 😐
بالنهاية هني هو المسؤول عني وماعندي حد الجأ له غيره لا امي ولا اختــــــــــــي اللي متأكدة انهم راح يكونون ارحم علي منه
ساعات احس مايستاهلون شي الازواج خاااصة لو ماوقفوا وياحريمهم بهالحالات ,,,,
او فضلوا الدوام على صحة الحرمــــــــــــة
يعني لازم امثل واتلوى واطيح جدامه علشان يحس ؟؟
والمشكلة اليوم تطعيم بنتــــــــــه انا كيف بسير اطعم بنتي وانا ميته من التعب مادري ..
الله كريــــــــــــم … يمكن يحن علي ويتصل فيني يقولي اتجهزي بمر عليج … يارب
حبيت افضفض بس
دعواتكم لي بالشفاء العاجــــــــــــــــــــــــل من هالعارض والسموحة منكم خواتي
حبوبه حرمه اخوي كانت شارتج
ومن تاكل فلفل وهالاشيا تزيد
راحت دبي وسوت العمليه يومين وطلعت
الدكتور وايد زين
بيبلج رقمه واسمه اذا حبيتي
بس نصيحه لا تهملين الموضوع
لأن إذا ظهر الألم يعني الحص تحرك ولازم تسوين فحص دم عشان يشوفون هل في إلتهاب أو لا ولازم يسون لج فحص يشوفون وظائف الكبد والبنكرياس ولازم يسون لج سونار عشان يتأكدون من وجود الحصى وكم حجمه .. لأنه إذا صغير ممكن يطلع من المراره ويروح في القناه المرراريه
بالمختصر كل ما كانت العمليه بسرعه كل ما كان أحسن
وفي الوقت الحالي لازم تبتعدين عن الأكل الدسم
وبالنسبه لريلج .. من وجهة نظري يمكن يوم شاف أنه نوبة الألم راحت لأنها فظيعه حب يقنع نفسه بأنه ما في شي ويهرب من الواقع ولا يريد يفتح الموضوع
ونصيحتي لج أعذريه وقعدي معاه وخبريه أنه الموضوع مش بسيط عشان تهملونه وأنه لازم تتحركون وتسوين العمليه لانه للأسف ما في علاج غيرها وأنه لازم يوقف معاج
ساعات نحتاج نوصل الرساله للطرف الثاني عشان يحس فينا ولا ننتظره يتحرك من تلقاء نفسه
السموحه منج إذا طولت وتمنياتي لج بالشفاء العاجل
الحرمه الشكايه وااااااااااااااااااااااااايد ممله و كريهه …. انا لو منج بخلي عيالي عنده و وولدي الصغير عند امي و بسوي العمليه وبطرشله بس مسج ان عمليتي اليوم و بس …
و بعدين 90 وزنج ما تبينه يكون له اهتمام ثاني ،، يشغل نفسه عشان ما يشوف اللي جدامه _ اسمحيلي على الكلمه _
كلمه اخيره اتحركي لنفسج انتي مب له !!!!
الله يسهل عليج يارب