خواتي الغاليات بغيت اطرح مشكلتي….اللي حارمتني النوم من زمان….
و اللي خلاني أكتب مشكلتي يقيني بوجود أخوات عاقلات ما رح يبخلون على ختهم المشورة و الرأي..
خواتي …..
في الأول حابة اعرفكن عن نفسي…
أسمي نيلة .يتيمة من صغري..عمري 37 سنة مطلقة و عندي أولاد ..
اطلقت بحكم محكمة ( بسبب الهجر و عدم الإنفاق)
كان أبو العيال هاجرني أكثر من سبع سنوات…و نساني في زحمة ركضه ورا ملذاته …و البنات..
..و صار لي مطلقة اكثر من سنة
صبرت و ربيت العيال..أنثين منهم بالجامعة..و الباقي في مراحل دراسية مختلفة..
و العيال الله يهديهم ..ايحملوني ذنب هجر أبوهم لي..و الله وحده العالم بمدى معاناتي معاه..ضرب تجريح…مرة ضربني و سبب لي عاهة مستديمة..بس صبرت عشان عيالي
كنت أعيش معاه حياة ما ترضى فيها أي حرمة عندها ذرة دين..( على الأشياء الوصخة اللي كان يطلبها مني..و عند رفضي و إصراري غلى رأيي ) هجرني و صار يتفاخر انه يعرف بنات وايدة من كل الجنسيات..و مرتاح..
أبوهم جرحني كحرمة..دمر ثقتي بنفسي كأنثى..
و راح و تركني مع عياله بدون معيل مادي و يتم أعياله وهو حي ..ريال ما يعرف غير لذته و أكله و بس..
الله يعلم اني ما ندمة على اصراري على الصح….بالعكس أتقربت من ربي أكثر..صرت أحضر دروس
و محاضرات..الحمدلله..و أيقنت أن الغلط مب فيني فيه هو…
مشكلتي …………
اتقدم لي أنسان دين و أخلاق..و فعلا هو جدير بالإحترام….لكن في نظر الناس عيبه أنه
وافد
بطبيعة عملي قابلة وايد ريايل مواطنين بس لما يعرفوا أني مطلقة و عندي عيال ما يبوني زوجة يبوني عسب يضيعون وقتهم
بس عرفت أوقف كل واحد عند حده لأني مب لعبة و المسلمة عفيفة أبية ما ترضى على نفسها الدنية..
و هالإنسان الوافد…من عرفته ( عندي بالدوام ) ما يتخاطب معي إلا بكل احترام..و تقدير..
و عارف كل ظروفي ومع ذلك متمسك فيني..و بييني زوجة و حلال له..
أحس معاه أني بالأمان و أنه يسندني وقت الشدة…
لكن المشكلة الأهل ما رح يوافقون…
بس صدقني.. تعبت طول هالسنين صابرة..و متحملة ..كل هالسنين لما الليل يقبل أحس فراشي بارد
أحس بالوحدة و الفراغ يا ناس أنا إنسانة..بشر .ما أقدر اتحمل أكثر..مرت فيني أيام ما أعرف أعدها كنت أصوم فيها…( عَنْ عَبْدِ اللَّهِ بْنِ مَسْعُودٍ رَضِيَ اللَّهُ تَعَالَى عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: يَا مَعْشَرَ الشَّبَابِ مَنِ اسْتَطَاعَ مِنْكُمُ الْبَاءَةَ فَلْيَتَزَوَّجْ، فَإِنَّهُ أَغَضُّ لِلْبَصَرِ وَأَحْصَنُ لِلْفَرْجِ، وَمَنْ لَمْ يَسْتَطِعْ فَعَلَيْهِ بِالصَّوْمِ فَإِنَّهُ لَهُ وِجَاءٌ ) مُتَّفَقٌ عَلَيْهِ
أبي احصن نفسي..أبي أعف نفسي..أبي الحلال..
صدقني …الحلال صعب هاللأيام ….و الحرام ما في أسهل عنه…
و كل وحدة بتعارض فكرة زواجي من وافد …
أقول لها..
الغالية أنا صابرة من سنين حافظة نفسي
لو كنت حصلت مواطن يريدني بالحلال ما كنت رفضت
ما فيهم واحد يبغي مطلقة..و عمرها 37 سنة..
المسألة مب مسألة حب و غرام اعتقد أني بسن أقدر أوزن الأمور بعقلانية …
كل اللي أبيه الحلال …و شو عيب اليال أنه وافد….
يا ناس الرسول عليه الصلاة و السلام..
قال ( من جاءكم من ترضون دينه و خلقه فزوحوه )
و ما قال من جاءكم من ترضون جنسيته فزوجوه..
شرعا مب عيب و لا حرام..
زواجي بوافد
أنا بين نارين….ما أقدر أتحمل زيادة…
في المحكمة ما يزوجون إلا بولي و محد من الأهل لو فاتحته بالموضوع بوافق…
شو اسوي
وين الناس عني و وين الأهل عني و كل واحد مع زوجته و عياله لاهي..
لما احتاج لهم …لما أحس أني ضايقة و على الأقل أبي أفضفض لأحد..كل و حدة مع ريلها ..
و أنا أتمر فيني السنين و الليل علي طويل و بارد..
دعيت ربي في قيامي و سجودي أنه يسهل علي أمري و يفرج كربببببتي…
و ّا الناس بزواجي من الوافد ( و تحصيني لنفسي ) عيب فاناكلي عيوب
يا خواتي أنا ما بي غير الحلالالالالالالالالالالالالالالالال
ما رح يفيدني و يأخذ ذنبي حد إذا لا سمح الله غلبني الشيطان مع شهوات هالزمن ..
بالعكس كل الناس ما رح ترحمني..
لكني و لله الحمد و المنة عفيفة ما اريد غير الحلال….
مشكلتي مب عارفة كيف اتزوج …..لأن مستحيل أي قاضي يزوجني بدون ولي..الأهل عادي إشوفوني اتعذب و اعاني و……خاطري اتزوجه و أعيش حالي حال هالحريم..
بس لآنه وافد..وااافد وااااااااااااااافد……………و المواطن ما يبي غير اللعب و تقزيرة وقت..
و أنابين نارين….صبرت لين ما مل الصبر مني…
خواتي ….
شفتن كيف الحلال صعب هالأيام..[/CENTER]
لا تقولن ودريه بعد ما دخل حياتي و عطاني الثقة بنفسي مستحيل أودره
أختكن نيلة
ان شاء الله كل شي يتيسر
دعوااااااااتي لج بالتوفيق
سواء معه ولا مع غيره
لا تقولن ودريه بعد ما دخل حياتي و عطاني الثقة بنفسي مستحيل أودره
انا مابقولج ودريه .. ولا بقولج هذا حرام .. انا منو اصلاً عشان احكم عليج 
فرق السن بيني وبينج كبير ومايعطيني الحق اني اعطي نصايح واوجه ..
بس صدقيني والله .. أعرف وحده عارضت اهلهـآ وتوجت من وافد وهي مطلقه ..
وربي انها عااااااايشة في جحييييييييم ..
1- جحيم ريلها اللي ذالنها ذل مع انه قبل الزوآج كان معاها سمنه على عسل
2- جحيم اهلها اللي تبروا منها ومن عيالها اللي من ريلها الوافد .. !!
غاليتي .. فكـري في مصير عيآلج .. وفي مصيرج في المستقبل ..
وقبل كل شي استخييييييييير غاليتي وماخاب من استخـار
اختي اتخيل ما يحتاااج ولي كونج كبيره . روحي المحكمه وقابلي القاضي واشرحي له ظروفج وأنا متأكده انه راح يزوجكم .
الله يرزقج الريال اللي يسعدج.
تقبلي مرووووري
لكن لو هو اعربي هنيه المشكله
عادتنا وتقاليدنا تفرض علينا نزووج عيال القبايل وبس
هذا النصييب
ما اقدر افييدج بشي غير دعوه صاادقه من القلب
والله ايسر امووورج ان شالله
دعوااااااااتي لج بالتوفيق ان شاء الله ..
سواء معه ولا مع غيره ..
بس استخيري الله سبحانه وتعالى فامرج وانج مقتنعه اي شي يصير
واللي الله راد لج اياه بيصير
يعني استخيري اكثر من مره وعقب امشوا فالموضوع اذا الله سبحانه وتعالى سهلج الامور ويسرها فهذا نصيبج واذا يتج عراقيل ومشاكل وتصعبت الامور لدرجه انج بتخسرين واايد من ضمنهم عيالج فاحسن لج تفكرين وتصبرين
فدار الدنيا دار اختباااااااااااار
والله يسر لج امورج الغاليه والا هو لاعيب ولا حرام
بس فكري من جميع النواحي من جميع النواحي يعني عيالج واهلج
ومحد بيحس فيج غير نفسج او اللي مرت بتجربتج والله عالم بما في القلوب وحاس فيج بالظاهر والباطن
فلا تيأسي اخيه وربج قادر على كل شي ويجعل من نصيبج ابن الحلال اللي يستر عليج ويحبج ويسعدج
ان شالله انتي وعيالج