بنات انا فضيج مايعلمه الا الله .. حبيت افضفض يمكن القى كلام يريحني .. بقولكم مشكلتي و ان شاءالله تساعدوني ويمكن البعض يحس انها مب مشكله مهمه بس ما ادري ليش متضايجه هالكثر
انا تزوجت زواج تقليدي وماعرفت ريلي الا فيوم الملجه شفته مره وحده من عقبها ماتلاقينا الا فالعرس لاكلمته ولا كلمني .. المهم تزوجت وكنت مرتاحه بعد الاستخاره لكن بعد العرس حست اني مب مدانيه ريلي امره تميت على هالحال اسبوع تقريبا حتى اني استخرت بالطلاق خخخ ادري كنت خبله مع ان ريلي طيب و حنون و طبعه هادي ..لين وحده يزاها الله خير نصحتني ارقي نفسي و بالفعل حسيت بعدها براحه و حست اني ارتحت لريلي و بدى قلبي يلين .. المهم مشكلتي اني حاسه ان ريلي دايما مشغول عني يا فالصاله يتدرب او فالعزبه و بعدين دايما صاامت و لين الحين ماانعرف نرمس ويابعض ومب من النوع الي يحب يطلع وحتى شهر العسل قضيته كله تقريبا فالبيت والا مره وحده سرنا نبات في فندق ليله وحده ومرات نطلع نتحوط شويه و بعد انا الي اطلب اني اطلع .. لولا اني عايشه ويا اهله كنت بطفر الصراحه من الحبسه .. المهم كانت اجازته 3 اسابيع طافن بسرعه وبدا الدوام وطبعا هو يداوم بعيد و ما اشوفه الا فنهايه الاسبوع و ااايد افتقده .. هنا المشكله .. تتخيلوون ان خلال الاسبوع الي يداوم فيه ما يتصل الا مره وحده فاليوم و او مرتين يكلمني 10 دقايق و ايسكر و مايطرش مسجات الا حزت النوم ( تصبحين على خير ) و او اذا نش من الرقاد و مرات نفص اليوم يطرش مسج شوق و طبعا انا الي دايما ارسل و مرات انا الي اتصل و اعرف ان ريلي يحبني ودايما يقولي هالكلام يا فمسجات او لما نكون ويا بعض .. انا حازه فخاطري اني غير عن المعرسات الي رياييلهم يرمسونهم بالساعات و كذا مره فاليوم وانا مايرمسني الا 10 دقايق فاليوم و مرات انا الي ابادر بالاتصال و او المسجات و نحن مانشوف بعض الا فنهاية الاسبوع والله اني طفرت من هالحال حاسه اني معرسه من سنين و اني معرسه بس للفراش و العيال .. ابا اهتمام اكثر ابا ارمس وياه بالساعات ابا اشوفه اكثر لما يكون فالبيت وايايه و ارمسه ويرمسني اباه يقولي قومي نطلع مب اانا الي اقوله خلنا نطلع شو الحل الحين مرات اقول بطنش و لا بهتم وايد او ارسل مسجات .. ومرات اقول بصارحه بالموضوع بس انا ماعندي الجرأه و استحي واخاف اجرحه او ازعله و انا مااتحمل حد يزعل مني او يقولي شي .. انا مب طالبه انه يتم ويايه على طول اليوم او اتحكم فيه ابا شويه من وقته بس … و للعلم ريلي يخاف ربه ومحافظ على صلاته و مب راعي مراكز و الا بنات و طيب و حنون وهذا الي يخليني اتغاضى مرات عن بعض العيوب
اسمحولي بنات تكلمت وايد بس هذي مشكلتي وياليت حد ينصحني
اذا ماتقدرين فيس تو فيس اكتبي له ع ورقه وخلي يقراه هذا احسن حل .. وان شاءالله يكووون مثل ماتبينه
حرام باين عليه من دون قصد يسوي جذيه يعني هذا طبعه,,,
يمكن يشوف نفسه مش مقصر وإذا كلميه يمكن يحز بخاطره,,,
بس أنتي حاولي تكونون ويا بعض ,,, يعني إذا دخل الغرفه دخلي لى طول وراه وتمي سولفي عنده,,,
وأذا راح مكان دقي له ع أساس تطمنين عليه,,, مش من أولها تفتحين عنده مواضيع مثل جذيه,,,
لانج لاحقه وياما بتفتحين أنتوا في بداية المشوار وأحلى أيام العرسان الأيام الأولى…
والله يسعدكم(:
انا خذت ولد خالي اول سنه اتعب سنه مرت بحيااااااااااااااااااااااااااااااااااااااااااااااا ااااااااتي ..
بس من يبت ولد فديته تغيرت حياااااتي كلهاااااا بس كل همي البيبي والحمد لله الحين احلى 2 ..
شوي شوووي بتتغير حياااتج ..
اهم شي بالموضووع الصبر ..
حاولي تكسبيه واتسوين له الاشياء الحلوه …صدقيني بيتذكرج لو كان بعيد عنج وبيتصل لج
والله ايسرلج اموووورج يااااااااااااااااااااااااااااااااااارب ويسعدج
انتوا توكم معرسين ويبالج وقت لين ما تاخذين عليه وياخذ عليج وصعب في يوم وليله تعرفين اطباعه وحتى هو بياخذ وقت لين ما يتقرب منج
انا شراتج زواجي تقليدي لا اعرف الريال ولا يعرفني وطبعه غيييييييييييييييييييييير عن طبعي انا متحضره وهو بدوي والله اني كنت اصييييييييح كل يوم كملت معاه 4 شهور وانا تعبانه ما اعرف شو اسوي معاه
عقبها انا حاولت اتقرب منه واغير افكاره شوي شوي اني اخبره مثلا خلنا نسوي هالشي نروح هالمكان صرت احجز في الفنادق وقت العشا او الغدا وافاجاه واقوله يله انا عازمتنك واحجزله في فندق وهو مايعرف واخلي محل الورد يروح يعدل الغرفه ويعني من هالحركات
طبعا اذا تبين اخبرج بحركات تخلي الريال يصير خاتم في ريلج طرشيلي على الخاص وبخبرج…. ومن يوم لي يوم اشوف الريال يرجع البيت ويسولف معاي ويضحك وينكت وصار هو يقولي يله قومي بنروح وبنسوي والي يخطر على بالج
فديتج لا تزعلين واصبري واتحملي واحمدي ربج انه ريلج فالبيت ومايظهر جانه من دوام للبيت ومن البيت للدوام
واصبري اصبري اصبري بيتغير بس لين ماتتعودووووووووووون عقب والله العظيم بتطفرين منه بتقوليله روووووح اطلع ما اريد اشوفك
وانشالله الله يسهل لج امرج وييوفقج