كلمه كالصاعقه يوم سمعتهاا .

شحالكم بنات.ان شاء الله بخير

عندي مشكله ومب عارفه شو اسوي والسبب زوجي تخيلو بعدني مالجه يعني العرس باجيله شهر ولين الحين كله مشاكل مايمر يوم إلا ويعصب ويزعل عليه والاسباب جدا سخيفه

لو اقولكم شو الاسباب والله بتنصدمون تخيلو يدور الزله مني عسب يعصب عليه يعني اذا مانشيت ساعه 9 اساعد امي في المطبخ يزعل واذا سويت شيء يزعل ما اتصل له اكون مشغوله يزعل ..

ويكون فعلمكم اني انا بس اتصل وهو مايعبرني كله مشغول وييا الربع في العزبه واذا ما تصلت يعصب ويقول انتي مش مهتمه شو اسويله عيزت والله اسوي كل الي يبغيه اسوي كل شي عسب ما يعصب

تخيلو بعد اذا تدلعت او سويت اي شيء له البس اكشخ يقولي انا كله ولا حد يدلع عليه بذمتكم الحين الدلع فيه شيء اذا ما ادلعت لزوجي ادلع لمنوو والله بموت قهر منه

ما ابا اعرس وتكون المشاكل مثل ماهيه وتكون حياتنا جحيم والله انا احبه وهو بعد يحبني بس تصرفاته ابدا ما ادل على ها الشيء يغلط عليه وبعدين يعتذر يقولي انا اسف صح اني غلطت وحقج عليه بس بعدين يرد شرات قبل

انا الي قهرني يوم قالي انا ما اباج تفشليني بعدين جدام اهلي ويقولون انتي ماتعرفين شيء وماتعرفين لشغل البيت بس والله يابنات الحمدالله كل شيء اعرف الطبخ وكل شيء

وفوق هذا انقهرت من كلمه ماكنت متوقعه منه يقولها تخيلو قالي الصراحه {{ انا مب مرتاح وياج}} هني انصعقت ومارديت عليه بشيء تميت ساكته

بليز بنات كيف اتصرف وياه الي عندها الحل بليز تقولي لاني صدق تعبت ومحد يعرف شيء وماخبرت حد لاني ما ابا تكبر السالفه وتوصل عند الاهل