اشحالكم خواتي …
امس صارتلي سالفه وانا لاول مره افكر افضفض لكم والله المستعان
الدنيا فيها حق وانا متاكده اني مب غلطانه
ابي اعرف انتو لو مكاني شو بتكون ردت فعلكم
والله لا يهينكم ويبعد عنكم الباس يارب…
امس ع الساعه 10:30 المساء كنت مزهبه العشا وكرمتوا ريلي كان يسبح
شوي واندق باب الصاله انا سالت منو عسب مرات حمياني ايون ف بتحجب …
ردت علي الشغاله انا فلانه وسيده فجت الباب ( الحين شوفوا شو قلت لها )
قلت لها انا سمحت لج تدخلين قالت لا قلت اوكيه مره ثانيه صبري لين اقولج ادخلي
والله انها ابتسمت وقالت ان شاء الله وراحت وكانت يايبه كيك …
هنيه بدت السالفه :
شوي والا اتخيلو نحن نتعشى ونسولف وانا ريلي يامحلاتنا سولفنا عن ايام الملجه
وعن ان الدنيا ماتسوى نزعل بعض وكنا منسجمين والا مره وحده ينفج البااااااب
والله زغت حتى ريلي انصدم جيه صدينا ع الباب مره وحده الا وعمتي عند باب الصاله
( طبعا ملحقي في الحوش ويعتبر بيت مستقل ) تتوقعون ليش يايه ؟؟؟
في البدايه قالت لريلي فلان يوم بتخلص تعال ابيك وهي تتافف وتنافخ انا نزلت راسي وكملت اكلي
وجان تقولي لا تطالعيني بهالنظرات منو انتي عسب تعامليني شغالتي جيه عاد انا انصدمت زود
قلت لها ليش شو سويت قالت الخدامه ياتج ونقعتيها ع الباب عقب تنازعيها هنيه عرفت
انها ماراح تسمعني ولو قلت لها الموضوع خلاص هي راكبه راسها …
جان يقولها ريلي اماه السالفه مب جيه وقعد يقولها وانا سااااااكته تدرون متى انقهرت
مع اني اعرف انها ماعندها سالفه وهي اصلا عارفه ان لي الحق باللي سويته وماغلطت…
انا لو اهتم للي اتسويه فيني كنت خربت بيتي بس هي ابخص بحياتها
وانا احبها كام وعمه والباجي ع الله …
انقهرت يوم قالت له جيه بترقدون في الصاله يعني خلوها ادش البيت بيتي
انا قلت لها عموه بيتج صح بس هذا ملحقي وانا براحتي …
الصــــــــــدمه :
قالتلي اذا ماعيبتنج عيشتنا مع السلامه الله وياج الباب يوسعج واذا تبينا عيشي عيشتنا
وعلى مزاجنا مب انتي تمشيني ع كيفج جان اطالع ريلي وقلت له فلان بليز
لاني اتعب من هالامور قالت لا تهددي فيه يوم تبين اتزقين ع راسه ( سوري ع اللفظ )
برايج لكن انا بعلمج الادب صج تربية شوارع واهلج ماعلموج الاصول ولا ربوج
عدل هذي آخرت اللي يزوج وحده ع كيفه نزلت ع راسي في الارض وحده قليلة ادب
انا بربيج وبعلمج الاصول انا مطرشه لج صحن خضره ليش ماكلتي رجعيته نفس ماهو
قلتلها الصحن من يومين عندي وانا رجعته كالعاده ياما تييبون اكل يوم اشبع ارجعه
وانا ماشتهيته ف حرام يتم محد بياكله اونه بنحطلج سم ولا ماتبين تاكلين في بيتنا
واللي ذبحني اكثر انها تفلت ع ريلي وقالتله انا لو منك خسي اخليها دقيقه ع ذمتي
وما اتشرف هذه حرمتي بس حسافه انك مب ريال ونزلت مستوانا لهالاشكال
وخسي هذه توطي راسي بس شو اقول عنك غير مب ريال ورضت بالباب وراحت
وعقب الله يعلم بحالي انا هي مــول ماتهمني اعرف اني ماغلطت بس القهر فضحتني عند
اللي يسوى واللي مايسوى وسيده راح ريلي يراضيها ومالومه امه …
طعنت في تربيتي وماشافت عيالها طعنت بشرفي وكرامتي وجدام اعز الناس …
هي حرمت حميي تحش في راسها واعرف كل شي تقول لها عني بس سكاته لان
هذيج الله بيجازيها وهي تعرف اني كنت طيبه معاها لابعد الحدود ومستره ع الفضايح اللي قالتها لي..
هي موجوده في المنتدى خل تقرا ابيها تعرف الدنيا دواره والله حارمنها من كيدها
والله يابنات لكل شي عظه وعبره اي شي بتسوينه اليوم ربج بيضر فيه اقرب الناس
عسب يحسسج بالالم اللي عاشه اللي ظلمتيه وانا رفعت ايدي لله وارتجيت يرد لي من كل شخص
اغتابني حقي منه ودعوة المظلوم عند الله ماتخيب والقهر عمتي مب ياهل موظفه
وشبابيه صج ان العقل نعمه والعمه اتم عمه ومن عقب صلاتي حسيــت برااااحه
واتناقشت مع ريلي قالي انتي في بيتي وماعليج من حد مع انه قالي اونه اطالعتها باحتقار
وهذه غلطتي قلتله جدام كل شي قالته اكثر عن جيه بسوي بس لو انا مب مربايه
ع قولتها كنت بفضحها بس تربيتي ماسمحت لي اتطاول عليها ونسيت السالفه …
باختصار فكرت ان ريلي يحاول يسعدني وانا واقفه وياه بكل ظروفه
لو ارمس لباجر ما بتصدقون شو المشاكل اللي عشتها وياه بس الله مب رايد الفراق
واللي يشوفنا يقول احلى اثنين لاني متمسكه بربي وبصلاتي وماعندي لعبان اهله وخرابيطهم …
الله يهديهم واشوف حكمة الله فيهم وماباخذ غي حقي والله كريم …
نصيحـــــهـ خواتي :
سعادت بيتكم بيدكم اني ادرى باللي يفرحج لاتخلين ضعاف النفوس ياثرون ع حياتج
بالاخير محد بينفعج غير اعمالج الصالحه واللي ظلمج اليوم مرده الدنيا بتاخذلج حقج …
انتظر تعليقاتكم الطيبه
وسمحولي ع المغثه …
المشاركة الأصلية كتبت بواسطة ناعسه الطرف 
الحمدالله ع كل حال
عمتي تغلط وتلاد تعتذر هالمره عرفتها ع حقيقتها والله فوق
ووراخ افاتحه بكلامج بس بوقت احسن عسب الموضوع طازج ^_^ …
الله يعين الجميع حبوبه
كبرتي وااايد في عيني
انتي من الحريم اللي ندرا في هالزمن
وتسلم يد ربتج ….
وريلج بدنيا والله يديم عليكم المحبه والسعاده يارب
ويرد كيد كل ظالم في نحره
ليش قلتلج اتسوين جي لانها عمتج شكلها اتغار منج وانتي روحج اتقولين شبابيه والمهم هالاشكال لو تتقربين منها احسن ….
المشاركة الأصلية كتبت بواسطة طهر الماء! كبرتي وااايد في عيني
انتي من الحريم اللي ندرا في هالزمن
وتسلم يد ربتج ….
وريلج بدنيا والله يديم عليكم المحبه والسعاده يارب
ويرد كيد كل ظالم في نحره
كلام يشرفني بصراحه تاج ع راسي
ويديمها نعمه علينا وعليج