حبايبي عندي سؤال كنا نتناقش فيه انا واربيعاتي ..
وانقول :-
ليش اذا صار زعل بين الزوجين كل واحد يذكر السلبيات بسسسسسسسسسسس وينسون الايجابيات …؟
واذا صار شيء من بينهم هددها الزوج بالطلاق على اتفه الاسباب ؟ ولا طلعي من بيتي وانا بربي العيال ..؟ شو في نظركم هالريال ..؟
اتريا مناقشتكم
وصح نحن وقت الزعل مانشوف الا السلبيات انزين ليش مانحاول انغيرها او انا اناقشها ف اوقات مانكون فيها مزاعلين يعني كل واحد يقول للثاني شو الي مب عايبنه وشو الي يباها يتغير
إاذا ما يروم ع الزواج وتكوين أسره .. أساسا لااا يتزوج
ويظلم بنت الناااس .. الحياة مبنيه ع التفاهم مب ع الظرايب ..
ليش الحرمه إستوت سلعه لهااا تاريخ و تنتهي .. ؟؟!!
ومب من الرجوله التهديد .. الله عطاا الانسان عقل يتحكم فيه
ويتخذ القرارت الصح .. مب ع الاسباب التافه يستوي الطلاق ..
ليش؟؟ فيهااا حياة أطفال ومستحيل الريال يربي العيال شرات الام ..
بيضيعون .. وبتصعب حيااتهم .. الله يعين و يرحم .. والله يخلي زوج كل
وحده ويبعد عنكم المشاكل و المصايب .. آميييييييييييييييييين
علشان جى السلبيات تكون حاضر لان الشيطان
يفرح لما يفرق بين المرء وزوج
احسن شي وقت الزعل .. ان طرف يكون اعقل من الثاني .. يعني من تجربتي .. انا لما ازعل او اعصب .. اتم ساكته واخر شي افكر فيه الصراخ او اني احاول اجرحه ..
بالعكس .. يزيد هدوووئي .. واحاول اعبر عن زعلي بالحرب الباردة .. لاني متأكدة ان ريلي يعرف انا من شو زعلانة .. وكل ريال جي .. واخر شي نراضي بعض بدون ما يتنازل اي طرف فينا او يعتذر من الثاني ..
وصدق الزوجين لازم يتجنبون انهم يجرحون بعض وقت الزعل .. لان القلب يتم شايل .. وبيتمون في كل مشكلة يذكرون بعض .. وبجي شوي شوي ينبنى حاجز بينهم ..
والله يبعد الزعل عن كل بيت ..