أبغي أعرف أي وحدة لو زوجها في الصفات اللي بذكرها كيف بتتصرف،،
* ما يفهمج ومستحيل إنه يفهمج؟
* تفكيره مختلف عن تفكيرج نهائيا ومستحيل يتغير، وحتة لو حاولتي توصلين لتفكيره يضل بعده متمسك بآراءه ودايما كلامج غلط ودايما مقتنع بأفكاره حتى لو هي خطأ؟
* دايما في نظره إنتي حساسة ورومانسية زيادة عن اللزوم ومتأثرة بمسلسلات الحب والمشاعر وغير واقعية؟
* نظرته للحياة الزوجية على إنها مب لازم فيها حب دايما؟
* تصبرين وتضحين وما يشوف إللي تسوينه إلا واجب عليج؟
* ما يشتغل ودايما يبا يدرس ويوصل أعلى مراتب الدراسة؟
* نظرته لجميع الناس سلبية وما عنده ثقة في الناس؟
رجاء مابا حد يقول اتلبسي واتعدلي وادلعي واتعطري،، نبا حلول جذرية لأنه في رياييل هالأمور مب وايد تعنيهم،، وو اهتم فيها يوم ما بيهتم كل يوم،، ولا أبا حد يقول الصبر والصبر،، لأن الحرمة تصبر والريال ما يعيير صبرها اهتمام ويعتبره واجب عليها وهو مستحيل يصبر عليها،،
سؤالي … 
هل زوجج أديب؟ ( يعني كاتب او مؤلف ) … ؟
أو حتى هاوي كتابة وقراءه …
عكسه تماما
هذا نوع من أنواع الشخصيات
و وزجج طبعه ( شمالي شرقي ) إن لم يخب ظني ..
ولازم تعرفين كيف تتعاملين وياه .. و بتشوفين أحلى واطيب النتايج
اظم صوتي لصوتج
هذا النوع من الرياييل ..
إذا زعلتي منه او صحتي، لا تتوقعين انه يراضي ويمثل دور العاشق المحب ..
صاحب هذي الشخصية يحب الوحده القوية اللي واثقه من نفسها ..