المالجات والمعرساتــ بغيت مشورتكن فالرمسه ويا بوشباب عالفووون

السلام عليكم خواتي

انا الصراحه مدمنة منتدى سيدات الإمارات،، احس وايد استفدت من المواظيع وخبرات بنات بلادي فديتهن ياربي،،

خواتي انا طرحت هالموضوع و ابى تجاربكن ونتناقش شوي،،

انا ملجت من شهر وشي الحين خخخ قولو (ما شاء الله)،، والصراحه الكل مخوفني ومسولي رعبـــ عسالفة الرمسة فتلفون ويا بو شبابـــ ، آخ حتى من التفكير فسالفه احس ياني هبووووط

قلت مالي غيركن استفيدد من خبرتكن وتجاربكنــ،، بس خلني اقولكن شوي شو يقولون لي خواتي وربيعاتي

اونه: لازم ما تصرفين عطبيعتج وحاولي قد ما ترومييييييين تكونين مستحيه وما ترمسين علشان ما يقول عنج جريئه او مرمسه واحد من قبل،،

واونه لا تفتحين مواظيع خاصة اذا سكت وتمي ساكته لين هو يرمس،، جذه الريال بيمل اصلن

وو خففي صوتج وخليه رقيق واددلعي بس بثجل،، ولا تسالينه عن شي عن يقول عنج ملقوفه

ولا تزقرينه باسمه ولا تقولين حبيبي ولا الغالي ،،

كله لا لا لا لا لا لا لا لا لا لا

وبيني عمرج الاحسن اللي تعرف تطبخ وتحمل مسؤلية وبيني له انه لج قدر عند اهلج،،،

وشوي رمسيه وشوي لا تردين عليه،، واياااااااااااااج اونه تطرشين له مسجات لين تكملون شهوووور

ولا تقوليله كنت اسبح اذا ما رديتي على اتصاله ولا تشوارينه فلبسج وخلج بس فرفووشهــ

عقب هالرمسه كلها شو رايكن خواتي،، اناا ارمسه عطبيعتي ما يخصه فجرأه او شيء،، ودوم اقوله اني اتلوم واستحي منه،، وارمسه عادي من دون تصنعــ،، ما ايلس احاتي شو بقول وشو ما بقول،، واذا سالني اجاوب واساله احيانا،، ونسولف سوالف خفيفه من الله هو واحد من الاهل،،

الصراحه وايد خايفه خواتي،، يوم قلت لهم اني ارمس جذه قالولي عيب بيقول انج جريئه وما تستحين واوانه خاصه شباب كلية الشرطة اونه باهسين،، مع انه وحليلهم طول الاسبوع ما ينزلون حتى اشك انه عندهم خبره فهالسوالف او حتى بيقولون هذي جريئة او مادري شووو..

خواتي طلبتكن شورن عليه كيف لازم ارمسهـــ حيروني وخوفوني احس شوي وبصييييييح..

ياربــ كل من ترد عليه سألتك ياربي تعطيها من غير لا تسال وتحقق لها كل اللي فبالها وتمم لها على خير ما تتمنى،،

هاااااااااااااااااااااااااااااي ههههههههههههههههه احسج وايد مكبره السالفه …
شوفي ياحبيبتي في الملجه كوني ذربه يعني شوي دلوووعه ارمسي عادي بطبيعتج بس شوي على دلع وعادي ماادري انا احس يوم ملجت عادي الوضع صحيح لازم يكووون مستحى يعني رياال غريب مستحييل ترمسينه بدفاشه واول مره ترمسينه خلج كووووووووووووووووووووووووووول عادي بس لازم يكوون شوية دلع وذرابه.. وعليج بالباقي الرياال يحب الحرمه الفرفوشيه اللي مب نكديه …

خخخخخ فديتج حسيتي وايد مكبرتنها،، مسويلي رعب

وحلوه نصيحتج تسلميلي ياربــــ،، وبكووون كووووول،،، يعلج الجنه يا خويتي

هلا فديتج
الف الف مبرووك ..و عقبال العرس ياااارب …>>>يا ويلج لوما عزمتينا:P
فديتج تصرفي ع طبيعتج … خلج طبيعيه و ياااه لا تسمعين اللي يقولونه …
عسب بعد العرس يشووفج مثل ما انتي مب تغيرتي 180 درجه …

و الله يوفقج ويكتب لج اللي فيه الخير يارب

هههههههههه…. الله يعينج

خليج ع طبيعتج الغالية بس طبعاًبحدود ،ولا تقولي له شي أنتي ما تسوينه لأنه عقب العرس بينصدم فيج

الله يوفقج و يسعدج معاه ان شالله

خخخخخخخخخخ فديتج،، بس تصدقين حرام خوفتينيــــ ،،،

اشكرج عمرورررج الغاووووووي

حبيبتي ربي يبارك فحياتجـــ ،،، ولا يهمج بروووحي بنفسي بعزمج

ان شاء الله غناتيـــ بتصرف عطبيتيــــ

وتسلمين عدعواتج الطيبه,,,