(الله يحفظه) ماعندي شغالة (زوجي رافض وجودها بحجة صغر الشقة) المهم أنا طفشت من الروتين وأحيانا ألاقي جفا غير مبرر من زوجي برغم إني نوعا ما زوجة مثالية ولله الحمد بشهادته هو ومن حولي من أهله وأهلي تحملت أغلب أعباء المنزل المادية لأن راتبي أكبر من راتب زوجي المسرف جدا والخاضع لمغامرات أهله المالية اللي مالها دااعي فلما شفت الوضع المادي يتأزم قررت أسوي ميزانية صارمة بالورقة والقلم والفواتير باتفاق مع زوجي وتأييد كامل منه ؛ المهم حسيت إني أفقدته السيطرة على الوضع المادي للبيت وأنا يمكن شديت شوي وبصراحة أكثر حاسة إني أمثل دور الرجل والمرأة في وقت واحد وهذا الإحساس انعكس بشكل مباشر أو غير مباشر على تعاملي معه وصرت أتجنب الحوار معه لأنه غالباً ينتهي بزعل ؛؛؛ آسفة طولت عليكم بس أبغى أضيف إنه شبه شكاك وأسئلته تثير أعصابي رغم إنه يحاول يغلفها بالبراءة وحسن النية علما بأني ولله الحمد اكثر منه التزاما ً بالدين ومحافظة على الصلاة ……………… أرشدوني هل الإجازة الزوجية حل ؟ من جربتها ؟ وماهي سلبياتها وإيجابياتها ؟؟
او اطلعي مع رفيجاتج للسوق والتمشي تهدين اعصابج وتغيرين جو
اممممممممم 00بعد شنو؟
سافروا في عطلة الربيع 00اوروحوا مخيم واستانسوا وتعشوا فيه
ان شاء الله قدرت افيدج…
يا(حزمـــ ـذوق ــــة )
يمكن بعد هو يحس انج ماخذه جزء من دوره .. ويمكن يحس مااعرف كيف اشرحها لج
بس يمكن لانه فقد دور الصرف ع البيت يحس ان جزء من رجولته انكسر
مدري والله بس ان شاء الله البنات يفيدونج اكثر
بس انت يبالج اتغيرين جوا ومن الخاطر بعد
يعني اظهري ويا ربيعاتج
البسي واستانسي وخليج بشوشه .. وضحكج ما تفارق ويهج او ابتسامتج بالاصح
وخذي اجازه من الدوام وروحي اشتري اغراض للبيت من ناحية الاكسسوارات من غير ما اتقوليله
خليه يوم ايي البيت يجوف فيه شيء غير
حتى لو غنفه صغيرونه بتغير زاويه معينه في البيت
روحي انت وهو على الحديقه وسوا باربيكيوا والجوا هالايام فوق الروعه
ودي ولدج ولا بنتج الالعاب .. وخليه تستانس .وريلج معاج
روحوا اتمشوا على البحر واتكلمي معاه بكل هدوء ورومنسيه
خلي فيج نوع من الطفوله في التعامل ..<< هب دايما بعض الاحيان حلوا الاحساس بالبراءه
اذا قدرتي اتغيرين موقع الشبريه في الحجريه غيريه وحطي الشبريه بزاويه ثانيه
روحي الميناء وخذي كمن نبته وحطيهن في البيت في مكان يناسبهن من باب التغير
تقدرين اتحطينها حتى في الحمام ( عزكم الله )
مثل يوم من الايام ريلج ياي من برع اركضي صوبه وانت شاله معاج كندورة النوم ولا بجامه واذا ما كان يلبس هالسوالف وينام بالوزار والفانيله .. خذي ثيابه من ايده .. وبوسيه على خده ..
ومثل في الويك اند ايلسوا في البيت واستاجري فلم ولا اشتريه .. وعلى حسب الفلم تبون اتجوفونه .. ومع سوالف الجبوس والفراخ ( الفشار) وعصاير
مثل يوم من الايام وانت اتنظفين البيت .. لبسي لبس مغري او .. على الاقل لبسي لبس حلوا ورتبي شعرج .. على طريقه انه مبهدل .. وقعدي نظفي .. وفي نفس الوقت حطيلج انشوده حلوه وايلسي اسمعيها وانت اتنظفين
وامممممممممممممممممممم .. بس هذا اللي قدرت افكر فيه الحين .. والسموحه على الاطاله