شحالكن
انا سويت هالموضوع مع العلم اني غير متزوجه لكني كنت بكون مرت اب فيوم من الايام
وقريت جمن موضوع عن حريم الابو ومعاملاتهم ويا عيال الريل وشي مواضيع عيبتني وشي مواضيع ماحبيتها ابدا وما قول غير الله يعين العيال عليهم..
المهم
فهالموضوع احب كل وحده وكل زوجة اب او عزباء ان تفيدنا بخبراتها وكيف تتعامل مع عيال ريلها
حتى لوماكانت زوجة اب لان يمكن رايها او اقتراحها يفيد الكثير
وياريت لو تقولون بالضبط يعني تقولون بالضبط كيف تتعاملون فهالموقف وفي هاييج اللحظه
وشو اللحظات والمواقف الي لازم تتجنبها من عيال ريلها
وانا ببدأ
اول شي قبل ما تفكر الوحده فالعرس لازم تفكر فالريال الي تقدملها يعني نفترض لو كان معرس ومخلف
اول شي لازم تفكر وتحط احتياطتها لو ان الريال هو بيربي عياله
لازم تكون لهم كالام الحنون قبل كل شي لانهم انحرموا من حنان امهم
ولو كانت الحرمه صدق تحب ريلها وبتحب عياله وما بتفرق بين عيالها وعيال ريلها لانهم فالنهايه بيشلون نفس اسم الابو اكن الاختلاف في الام بس
واهم شي تبعد عنها الانانيه ومثل ما تحب لنفسها تحبه لغيرها
والعيال بايدها امانه يعني ربي عطاها اياهم عشان يختبرها ويختبر نيتها
ومعروف عن زوجات الاب انهم مب زينات بس مب كلهم
شي زوجات اب ماشاءالله عليهم ربو عيال ريلهم احسن تربيه
..ربيعتي عندها اخوان من الابو بس الام فرتهم وام ربيعتي ما قالت انا مظايجه منهم وانا وانا
بالعكس ربتهم وكبرتهم وعلمتهم وخلتهم رياييل وبنات صدق
ما قالت هاييل مب عيالي يعني خلاص والحين كلهم يفتخرون فيها ويموتون فيها
مع انها كان بامكانها تحول حياتهم لجحيم وتسوي فيهم عقده نفسيه
بس طلب الاجر عندها اهم من كل شي ولانها حرمه واعيه ومتعلمه
فياريت كل ام ومرت ابوو تفيدنا بالي عندها
شكرا