خواتي انا وحده متزوجه من 5 سنوات حاولت اني اكون مرتاحه وسعيده ويا ريلي
عمري ماقصرت عليه في شي كل شي يباه اسويه له وكل شي يكره ابتعد عنه
على الرغم اني عايشه ويا اهله والكل يتمصخر علي على قولتهم اني ضعيفة
الشخصية واني مخليه ريلي يتحكم فيني بكل شي بس والله كنت احبه ولا كنت
ابغيه يزعل مني واباه يكون دايما مرتاح اما انا والله يشهد على ضحيت باشياء
وااااااايد علشانه..بس هو والله مايحاول يريحني يعني في اشياء انا ودي فيها
وهو رافضها بشتى الطرق ولاعنده شي مقنع..انا اشتغلت من فتره والله العظيم
وربي يشهد على اني متلعوزه في المواصلات والله اني من زمان اترجاه
يخليني اتعلم السياقه لكنه رافض مع انه الكل في عايلته يسوق وعايلتي بعد
بس بدون سبب انا الوحيده مااسوق والله اوقات مااحصل حد يوديني حتى العياده
وانا مااحب اطلع ويا التكاسي يمكن قبل ماكنت اداوم قلت ماعليه بس الحين انا
اداوم والله اتفشل من ربيعاتي كل يوم وحده توصلني والله اني اتفشل ياجماعه انا
عزمت اني اتعلم السواقه واخذ الليسن مثل ماسوت اخته احطهم امام الامر
الواقع يابنات والله تفهموا حالتي والله عندي ضغوطات انا ما ابغي اتذلل لحد..
ساعدوني لاني تعبانه واايد..
انك تكون متفاهمة مع زوجك وانك مريحاه هذه مو معناتها ضعف شخصية بل هذا الهدف من الزواج السكن والرحمة.
والله يسخر لك زوجك ويبادل نفس الشعور والاحساس
بالنسبة لحكاية الليسن ما انصحك تعمليه بدون علم وشور زوجك يمكن انتي تحاولي تتبثي للجميع انه عندك شخصية لكن حتكوني عصيتي زوجك وممكن تحصل لك مشاكل في غنى عنها.
اختي انت زوجة وامرأة وماراح تغلبي اذا احببتي ان تخلي زوجك يوافق يعني حاولي معها باللين والدلال وتقربي منه وان شاء الله يوافق ويمكن هو رافض لانه خايف عليك.
فحاولي تشرحي له انك فعلا مرهقة من المواصلات والله يوفقك يارب وييسر لك امورك
ودي لك
لزم بمواافقته اظنيه انهم حتى مابيطيعوون لاازم مواافقه من الزوج او ولي الامر اذا ماعندج زوج
كلمي ريلج ، وحاولي تقنعينه…
يعني قولي له .. ( ترضى حبيبتك زوجتك تتبهدل في المواصلات ، اكيد ماترضى لي هالشي لانك تحبني وتغار علي)
ولاتشدين عليه وايد ، شكله زوجج عنيد ويحب يمشي اللي براسه….
في يوم ثاني ….طرشي له مسج…
(( ها حبيبي شو سويت عشان موضوع سواقتي ، أكيد مابتكسر بخاطري))
وإذا ما رد عليج عادي …
وفي جلسة صفا وحب ، حاولي تذكرينه بالموضوع بشكل غير مباشر …
وقولي له:
(شو السيارة اللي تحب تركبها ، وشو السيايير الحريمية اليديدة… وجرجريه بالكلام….
والله يعينج
قوليله انا اشتري سياره بمعاشي جود انه يرضى يخليج اتعلمين
المشاركة الأصلية كتبت بواسطة فيء 
كلمي ريلج ، وحاولي تقنعينه…
يعني قولي له .. ( ترضى حبيبتك زوجتك تتبهدل في المواصلات ، اكيد ماترضى لي هالشي لانك تحبني وتغار علي)
ولاتشدين عليه وايد ، شكله زوجج عنيد ويحب يمشي اللي براسه….
في يوم ثاني ….طرشي له مسج…
(( ها حبيبي شو سويت عشان موضوع سواقتي ، أكيد مابتكسر بخاطري))
وإذا ما رد عليج عادي …
وفي جلسة صفا وحب ، حاولي تذكرينه بالموضوع بشكل غير مباشر …
وقولي له:
(شو السيارة اللي تحب تركبها ، وشو السيايير الحريمية اليديدة… وجرجريه بالكلام….
والله يعينج
يا هو يوديج يا ييب لج دريول
هذي مو حاله!
شكلج مدلعتنه عالاخر وتعود يحصل كل اللي يباه منج بدون مقابل يعني ياخذ ولا يعطي
الله يهديه ويعينج