بنطرح موضوع حلو نضحك على بعض فيه وهو ان كل وحده فينا تكتب الموقف المضحك او الطريف اللي صار لها في بداية زواجها :1 (67): اي موقف يضحك او محرج مع زوجها وخلوني انا ابدأ ..
كان العرس يوم الاربعاء ويوم الخميس الصبح عقب ما قمنا وتريقنا كان كل شوي يسير صوب شنطته اللي فيها ثيابه واغراضه وكل ما اتقرب منه يسكر الشنطه وبسرعه اول مره ما حطيت في بالي .. ثاني مره استغربت يلست افكر ها شو عنده ومن البدايه ؟ّ! اللي يعلم شو في الشنطه واذا يبتعد عنها كان يقفلها خيبه شو عنده هذا.. جاسني الفضول :1 (37): والوسواس بعد ..
تم كم ساعه على هالحال .. قلنا بنطلع نتغدى برع وسارعند الشنطه عشان يليس وكان يطلع ثيابه بالدس وفاتحه الشنطه شويه بس المهم عقب مالبسنا وخلصنا حتى العباه والشيله لبستها يلسني عالكرسي وسار عند الشنطة وفتحها كااااامل وأخيرا بينكشف السر:1 (35): وطلع منها علبه وعطاني ياها .. يعني ها اللي كان يسويه كله عشان ما اشوف هدية الصباحية ههههههههههههه .. وحليله وانا ما تم شك ولا ظن ما ظنيته فيه .. كانت الهدية ساعة AGNER حلوة وااااايد ودايم أحب ألبسها..
ههههههههههههههههههههه ام جوجو حلو موقفج
انا صراحة عندي موقف وايد جريئ احتفظه لنفسي واضحك يوم اتذكره في فترة الملكة
هههههههههههههههههههههههههههه ه
ههههههههههههههههههههههههههههههههه
يالا يا صبايا شو مواقفكم
والله ضحكتوني
انا قصتي قصه
انا اول ماتزوجت في ليلة العرس لبسوني عبايه وكنت اول مره البسها وهذيج الايام مانشوف الريل غير ليلة العرس وكنت ضغيره في العمر كان عمري 14 سنه وخجوله
تصدقون ماطعت اشيل العبايه رقت فيها كنت وايد مستحيه وخايفه منه
قعت على هذا الحال اسبوع كامل اغير ملابسي ولبس العبايه وكنت ماطيع اكل مضربه عن الاكل لين سار عن اهلي وخبرهم علي هههههههههههههههههه
والله فشيله
حتى الحين ريلي يخبر علي عيالي وييلسون يضحكون علي ههههههههههههههه
بس لاتلموني كنت صغيره ولااعرف شي عن الزواج وغيره
سوالفكن … اضحك …. …. ^_^
..
الله يحفظكن لأزواجكن ..
..
…
و يرزقنااااااااااااااا (( حنا البنات )) … الرياييل الكفوا …
..
قولوا آمييييييييييييييييييييييييييييييييييييين
شحالكن؟
الموضوع حلو و شكرا أم جوجو على طرحه
اممممممممممممممممم وايد مواقف مضحكة صارتلي بداية العرس
بس بقولكن شو صارلي ليلة العرس
الله يسلمكن ما كنت مصليه العشا و بعد الزفة و الحشرة و التصوير
سرت ابدل و اتوضا عشان اصلي و طبعا هو :1 (38): كان مصلي و قعد ينتظرني عشان نتعشا
و انا في الركعة الثانيه تذكرت اني و انا اتوضأ ما غسلت ريولي و انتن بكرامة :1 (37):
ما عرفت شسوي اكمل صلاتي كيف و انا وضوئي مب كامل و لأ اقطعها و اسير اتوضأ …………. شو اقوله اذا سألني ليش قطعتي صلاتج؟!!
المهم كملت صلاتي بس السالفة ما انتهت اول ما سلمت حط ايده على راسي و قال الدعاء و قال قومي نصلي ركعتين :1 (25): صليت وراه و انا مب عارفه صلاتي جايزه و لأ لا ؟
:1 (21): هذا موقفي ان شاء الله عيبكن …..
ظحكتني
انا بعدني سنقل
أنا بعد كنت ذيج الحزة كنت حياويه ((بس ذيج الحزه مو الحين)) فقلت له كيفك!!!
ماوعيت إلا الأخ يحط ريله على بنزين السيارة ويدووووس كأنه ما صدق أقوله الكلمة
طلع الأخ مو حاب إني أقعد آآآآكل والناس الطالع فيني (يغار علي ):1 (57): فردني البيت وأكلني صمون شاورما!!!!:1 (25):