تعبت نفسيا مع بنتي الحركية

والله يا أمهات تعبت ومرضت نفسيا وصلت لحالة يأس من بنتي عمرها سنة ونص و واااااايد تتحرك وتخرب ما شاء الله عليها، واللي متعبني أنها ماتنام، تقوم 12 الظهر واحيان 3 وتظل واعيه لين 3 بالليل وأنا حرمه عندي دوام ورضيع غيرها

والعوق أنها ضعيفه وايد اتضارب معاها علشان تأكل، وزنها 8 كيلو مايتغير، أبوها يتنوفز منها بسرعه يضربها مايتحمل تزخ الشعر وماتهده وتبكي بدون سبب،

لو عندكم حل فيدوني بليززز

اختي فالويكند

خليها تسهر
واليوم الي بعده قعديها من وقت ظ¨ تكون واعيه

عدلي رقادها بتقل حركتها
وايعديها عن السكريات

هالي اقدر افيدج
وعن الوزن
اجوفه زين مادري
لان ولد اخوي عمره ظ¥ سنوات و وزنه ظ،ظ¢ !

الله يهديهم

عدلي رقادهآ احسها وايد ترقد عكسي هالنوم خليها ترقد فليل فتره اطول وابعديها عن الحلويات والعصر طلعيها ف الحوش عشان تطلع طاقتها خذيلها كوره والعاب تلعبهن هالعمر معروف بالحركه ماشاء الله

الله يعينج ع تربيتهم ويسهلها عليهم

والله يااختي بخبرج تجربتي و ان شالله يمكن اقدر افيدج
انا ولدي كان ينش عل 12 او 1 ويواصل الييييين يرقد 2 او 3 الليل
عقب يبت عيال اخواني الي يحب يلعب معاهم وايد و هم نومهم ماشالله منتظم يرقدون 8 الليل و ينشون 8 الصبح
يبتهم خليتهم يباتون عندي و يوم وعو الساعه 8 الصبح وعوه معاهم و وولدي صح تعبان بس من الفرحه انه بيلعبون نش و تمو يلعبون اليييييين وقت رقادهم الساعه 8 الليل نام معاهم ووعى اليوم الي بعده بروحه الساعه 9 … و خلاص من يومها تعدل رقاده

في فتره كان عقب ما ينش عل 8 او 9 … يبى يرقد قيلولة الساعه 4 العصر و هاي انتبهي منها لاني رحمته و خليته يرقد عقب تخربط جدوله من اول و يديد

شغله ثانية الشوكلاته و السكريات و الحلويات الخ ممنوووووووووووووعه منعا باتا هاذي سبب اساسي في زياده الحركة و النشاط ممكن اذا يبا شوكلاته عطيه كندر فقطططططططط لا غير لانها كلها حليب و بكمية محدوده عساس ما يتعود على كيفه

من 7 و نص ابدي الي اسميه (طقوس النوم) عشي بنتج و عقب خليها تفرش اسنانه و تلبس بجامتها و اقريلها قصه ولا خليها هي تحكيلج تالف من مخيلتها شجعيها على الخيال و التعبير و الساعه 8 و نص بالكثير بتشوفينها نامت بروحها و هكذا

ضرووووووووووووري جدا الرضيع خليه مع ابوه او الشغاله اذا متوفره يوم ترقدين البنت الثانية لان اذا الصغيره حسيت باخ الرضيع بتقوم و بتركز معاها…. عقب ما ترقد خلاص خلي الرضيع عاد تصيح تضحك مو مشكلة

الدكتور مصطفلى ابو السعد كلمته ام على التويتر على نفس الممشكلة و قالها انه بالنسبة للاطفال كثيرين الحركة قللي قنوات الاناشيد …و الايباد ممنوووع استخدامه الا مرة او مرتين في الاسبوع التلفزيون اكثر عن ساعتين في اليوم يسبب العناد و التبلد …و قال بعد انه العاب الحركه و التلوين تنفع في حالات الطفال الكثيرين الحركه

اتمنى اني فدتج

صح لا تخلينها راقده لين 12
وعيها بدري و خلها تلعب

أختي أنا أوافق الأخوات فرايهم رقديها من وقت ووعيها الصبح على الثمان صدقيني بيتعدل رقادها وحاولي تتجنبين رقاد العصر عن تجربة اقولج هالشي

أضيف على كلامك حاولي انه بنتك تشرب ماي لانها أكيد كمية الماي الي بتشربها قليلة لانها بتأثر عليها