بنتي والمنز

مرحباً خواتي ….. عندي بنت عمرها 9 شهور ما شاء الله من يوم ما هي صغيره وانا عودتها عالمنز وما تنام عندي ما أباها تتعود والحين من شهر يوم أرقدها ف المنز اتصيح وايد خاصه بالليل ويوم أيبها عندي إتنام عالسرير وما اتصيح ويوم ترقد أرجعها المنز مرة ثانيه اتصيح مادري شو اسوي فيها ما أباها تتعود أنها إتنام عندي أخاف يوم أكون راقده تتحرك واتطيح وما أنام عدل كله أشوف وينها ،،،، ساعدوني خواتي شو اسوي علشان أترد إتنام في سريرها

انا بعدني ما ربيت بس بخبرج قصة أختي
أمي يوم يابت أختي الصغيرة كانت مول ما تحب تنام في سريرها وأمي متلعوزة فشو سوت قامت تحطها في سريرها وتحط معاها شيلتها عسب أختي تشم ريحة الشيلة الي فيها ريحة أمي وضبطت الحركة خخخخ
جربي يمكن تنفع وياج ^^

هي الحين محتاجتنج اتريي لين السنة على الاقل بيعتدل رقادها وبترقد طول الليل

ما بتحتاي تتعبين لانها بتلعب طول اليوم وبالليل بتنام من التعب اهم شي أكليها عدل

خبروني جي اسوي من اول ما يبتها ان شاء الله بحط شيلتي وتنفع وياها ان شاء الله اتربين بالسلامة حبيبتي

مشكوره ام خلود ان شاء الله إتنام يوم اتكمل سنه في منزها لان نومي صار خفيف أخاف أنام فوقها أو اتطيح من السرير

عيل تعالي جوفي اللي عندي ماتحب ترقد الا بالهز لازم أهزز طول الليل. عسب الشيخة ترقد

الله يعينج ،، يمكن انتي عودتيها من يوم ما هي صغيره