الأمومة ودراسة الماجستير !!!

مبروك الحمدلله على سلامتج الله يعينج

أنا أقول أجلي فكرة الدراسة لين ما يكبر الولد ويروح الحضانة أو المدرسة .. عيالج وبيتج أهم من كل شي .. وانتي بروحج تقولين ما بتخلينه طول اليوم عند الخدامة ما عندج حل ثاني .. أحياناً إذا الإنسان يبغي الشي لازم يضحي بشي.. وانتي ما بتضحين إنتي بتأجلين الدراسة بس لين ما يكبر الولد و يعتمد على عمره .. هالعمر يحتاج لاهتمام ورعاية أكثر وواجبج إنج تجابلين ولدج أحسن و أهم وهذا واجب كل أم .. لا تقصرين في حق ولدج وبعدين تندمين ترى الدراسة لاحقه عليها ..

, أحيي فيج طموحج وربي يوفقج, وأقول لج عن تجربة تحضير الماجستير مب سهلة أنا يوم كنت أحضر الماجستير وقتها كنت بس أداوم وأدرس , وكانت صعب ومرهق بس الحمدلله الله سهل وخلصت , مع الإرادة كل شي ممكن, الياهل لو تقدري تخليه ويا أهلج أو أهل زوجج هذا أفضل حل ,حتى لو تطرشي الشغالة معاه بس يكون تحت نظر حتى من أهلج , الحمدلله زوجج موافق ويشجعج , وأكيد بإذن الله بيوقف معاج . والحين فيه بعض التخصاصات للماجستير يعطوا إجازة دراسية لو كنت إماراتية وتشتغلي في قطاع عام أو وزاري على حسب قانون الموادر البشرية .وعادة في أول سنة في الماجستير هي سنة تحضيرية للرسالة أو البحث , يعني فيها مساقات , لا تاخذي مساقات كثيرة مع بعض , حتى لو تكتفي بمساق كل فصل , علشان تقدري تذاكري وتحضري وتشوفي بيتج والياهل في الآيام اللي مافيها دراسة وما يكون عليج ضغط . طبعاً هذه معلومات عامة وتخصصات الماجستير تختلف ولو بشكل جزئي على حسب الدراسة ,ربي يوفقج أختي ويسهل لج أمرج .

دوري جامعه فيها حضانه .. وشلييه ويااج

السلام عليكم ورحمة الله وبركاته

أحيي نضالك وطموحك أختي ، وأنا أقرأ موضوعك شعرت بعصفة طموح تأتيني من جهتك هههههههههه.
مع أنني ضد أن تترك المرأة رضيعها، لكن أطلب منك فقط أن تنتظري ليبلغ طفلك 6 أشهر على الأقل، فهو بحااااااااااجة لك جددددددددداً في هذه الفترة، يحتاج لرعياتك ورائحتك وصدرك وحليبك ووو كلك … لو حرمتيه من كل ذلك فقط 6 أشهر، سيفتقد الكثر. سبحان الله كيف خلق الأم والطفل. ثم بعد ذلك لك حرية اختيار إرساله للحضانة أو إبقاءه مع الخادمة لكككككككككن تحت نظر أحد ممن تثقين. لو أكلمك ما أعرفه "وجميعنا يعرف الكثير من القصص" عن الخادمات مع الأطفال للغيتي فكرة الماجستير نهائياً .

بالتوفيق

والسلام عليكم

شوفي حبيبتي ادرسي بس خلي ولدج عند اهلج ,, حلو الطموح فيج ودامج دفعتي الرسوم لاتاجلين وخير البر عاجله
وشوفي حضانه زينه ودخلي عيالج فيها وربي يوفقج للخير بالتوفيج