ولدي ورقاااده ساعدوني يالامهات

شحالكن ان شاء الله بخير ..

حبايبي عندي مشكلة واتمنى تلقونلي حل ..

ولدي عمره 7 شهور ونص .. وما شاء الله عليه ينش اكثر من مره في الليل .. يعني كل ساعة .. ساعة ونص ينش ..

مرات ينش يبا الحليب .. ومرات بس جي يصيح شوي ويرقد .. مادري ليش ..

يوم وديته عند الدكتورة قالتلي انه المفروض في عمره يشرب في كل رضعه تقريبا 140 مل … بس ولدي اذا كان مييت من اليوع يشرب 100 مل بالكثير .. ف قالتلي يمكن معدته صغيره ..

حاولت اعطيه بسكووت .. وسيريلاك … قبل الرقاد بساعتين .. بس مافادتني الطريقة .. وبعده رقاده مثل ماهو ..

ما اعرف شو اسوي .. على قولة الدكتورة .. تقولي خلاص ولدج المفروض يرقد 4 ساعات متواصل .. بس مدري ليش الله يحفظه ولدي ما يرقد الا الرقاد المتقطع ..

وبعد شي مشكلة ثانية وهو انه مايدااااني سريره .. يبا يرقد عدالي .. ومن احطه في سريره يصيييح ..

بليييييييييييييييييييييييييز عطوني الحل .. والله احاول ما ارقده بعد العصر علشان يتعدل رقاده بس مب عارفه كيف .. فيدوني

وربي يحفظ ولدي وعيالكم ان شاء الله

المشاركة الأصلية كتبت بواسطة مونتاج

طبيعة ولدج جي بس يكبر شوي بيتحسن رقاده
انا طفلي الاول ما تعبني برقاده لكن الثاني مثل ولدج
كبر شوي تحسن
الله المستعان

مشكوورة اختي على الرد ..

ان شاء الله يتحسن رقاده في اقرب وقت ..

والله اني مرات من كثر ما انش الصبح اروح دوامي وانا صدققققققق فيني رقاد ومب قادرة اركز ..

الله يحفظ عيالنا يارب ..

المشاركة الأصلية كتبت بواسطة اناناسة

الله يحفظه لكم ياارب

اعتقد هو البجر او بالكثير الثاني و لكن اغلب الاعتقاد اول بيبي

لان بالغالب اول نونو ما نعرف نتصرف الا ان طبيعته هادي جدأ ..

المشكلة عزيزتي انج معودتنه ترقدينه عندج ..لا غير !

و ان خليته كما هو لين ما يكمل سنتين بينش لج كمن مرة في ا لليل ..

يعني هو ينش مب لانه يوعان

بل يبغي يمض و يرقد ما يفرق ثدي الام او المرضعه او مصاصة المهم هو يعرف

من ينش انتي بتشلينه ..

و قلتي مرات يرضع و مرات لا بس يصيح و يرد ينام و اعتقد يوم يصيح تشلينه من سريره و تنومينه عندج ؟؟

لهالسبب ان كان ظني صحيح ..هو ما يحب سريره

(( الطفل لابد يتعلم يرقد في سريرة من يوم ينولد ..

يعني ترضعينه ..تبدلينه ..يطلع الغازات من بعد الرضاعة و تحطينه في سريرة ينام

و مب بالحضن او على سريرج و ما شابه ))

هو متعود فقط و بشوية صبر ممكن تعدلين الوضع ..

لما ينش في الليل طنشيه .. بيصيييح بيصيييييييييييييح و بيحاول يلفت انتباهج

طنشيه و لا تصدين صوبه بل اعطيه ظهرج ان يرقد عندكم اقصد سريره بغرفتكم

كملي رقادج اعرف هالشئ صعب و لكن لااااازم يتعود يرقد في الليل

و الدكتورة السمووحه منها و لكن غلطانه
بعمر ولدج الله يحفظه لابد اقل شئ يرقد 6-7 ساعات و مب 4 ساعات !

المولود الجديد لابد يرقد 3 ساعات و من عمر شهرين و فوق لابد يرقد من 12 بالليل لين 6 الصبح

ان كان شبعان و لكن 7 شهور و نص معناته تأكلينه

حاولي في الليل تعطينه بسكويت المدور تذوبينه مع شوية ماي و تأكلينه و لا تنسين تشربينه ماي

المهم تشبعينه و عقب ما عليج ليلة ليلتين ثلاث بيصيح بيقطعه عمره من الصياح

و لكن كله للفت انتباهج لااااااااااااااااااا غير …

و شوفي عقب كمن يوم كيف بيحط راسه و بيرقد لج لين الصبح لدرجه انتي كل مالج بتنشين

و بتراقبينه لانج مستغربة ليش ما ينش ..

عودت ولدي الثاني جي و كل دقيقة كنت اقوم احط اذني و ايدي على قلبه

تعلم يخمد رقااااااااااد لين الصبح هههههه و لكن عقب ما جتل عمره صيااااح و وتر اعصابي كمن ليلة

و بالاخير فزت عليه

الكلام اللي قلتلج من تجربة و مب منقول

هلا اختي اناناسة ..

مشكوورة اختي على ردج .. والله فدتني وااايد ..

هييه هذا اول بيبي .. وتعرفين كل شي يديد عليه ..

وكلامج 100 % صح .. ولدي ينش في الليل ويترياني اشله ..

ربيعتي قالتلي نفس الكلام .. قالتلي طنشيييه وخليه لين ما يتعود ..

بس والله قلبي يعورني يوم اشوفه يصييح .. بس ان شاء الله بحاووول .. لاني ابااه يرتاح في رقادة وما با اعوده على هالطبع ..

مشكورة اختي مرة ثانية .. وان شاء الله بتبع نصيحتج وبحاول وياه من الليلة ..

أنا جربتها لما أعطيها لأبني يرقد متواصل

وموفقة يا رب