جهاز البخار ؟؟

السلام عليكن ورحمة الله وبركاته..

بنوتي فديتها مزجمة من البارحة وهالمرة وايد تعبانة وخشمها وايد متصكر وطول الوقت صياح وما تروم ترضع ومن تعطس ولا تكح يظهر وصخ بس ما تخليني اجيسها انظف خشمها تم تصيح..
ابوها راح اشتر جهاز البخار .. حد مخبرنه انه زين ويذوب حتى البلغم..
بس يابه بدون الدوا الصيدلي قاله هاتلي وصفة من دكتور لانه في انواع وايد..

شو اسم الدوا اللي يحطونه فالجهاز..؟

انا بنتي عمرها شهر ونص عطونا بخار الها
واسم الدوا
mini-plasco
ventolin respirator solution

استشيري الدكتور احسن…

لان كل سن يباله جرعه معينه او دوى معين

مااااااااااااااااااااااااا يستوي ياالغالية
تحطيلها الفانتولين الا بوصفه طبيه
لأنه يزيد دقات القلب
وكل سن له جرعه معينة

الجهاز زييين

وصح ينزل البلغم وحتى تحسينها بترقد عقبه لانه يرقدهم

احنا الكبار من يحطولنا اياه ندووخ،،

بس الدوا خلي الدكتور يعطيج لانه ممكن تخلطين كذا نوع من كل دوا وعلى حسب عمرها ،،

كل مرة تزجم الف بها العيادات ما يكتبون لها الا قطرة ماي وملح..
لان اغلب الدكاترة ما يعطون ادوية لعمر اقل من سنة..
فديتها وايد تعبانة اول مرة تزجم جي.. حتى انا زجمت وياها..

سلامتها البنوتة ماتشوف شر
انا عيالي مرضى من اسبوعين اعطيهم بخار مرتين في اليوم
فنتولين وماي ملح بنتي عمرها سنة وولدي 3 اعطيهم 3,0 فنتولين و5 مل ماي ملح هو يعطونج قياس الفنتولين على حسب وزن الطفل
انا وزنهم 10 كيلو و13 كيلو
اتمنى افدتج الغالية