شحالكن ؟
حبيباتي انا قبل كنت حاطه موضوع عن ولدي انه ماحبى وضعيفون وكان عمره 10 شهور
واللي يقهرني رمست اهل ريلي والناس اللي تشوفه اونه هذا شو شيبه هذا يابس هذا بيطلع خديه
هالرمسه مردود عليها بس قمة الالم يوم يقولون لج ما اتاكليه عدل ! انتوا اشعرفكم ؟…
انا مابقعد مجابلتنكم ع كل وجبه اعطيها له فديته ياكل عيش ودياي وروب وعدس
وشوربات وبيض ومعكرونه يعني من اللي نحن ناكله بس يوميا العيش والروب
والفواكه وعدس وعيش وجزر وبطاط يعني الله الشاهد قد ماقدر انوع له بالايام
مب هذه المشكله هذه فضفضه خخخ …
مشكلتي هــــي :
ولدي كمل سنه وشهر ع آخر 10 بيكمل سنه وشهرين وطالع له ضرسين
وانا سويت له فحوصات دم عسب اطمن طلع كل شي تمام الحديد والكالسيوم كل شي طبيعي
هو يقعد بس لازم احط حواليه مخاد وماشاء الله من قبل ينجلب ع بطنه بس ماكان يقدر يحبي
الحين من 3 اسابيع الاحظ انه يحبي ع بطنه يعني شوي شوي يحبي ع جدام بعده مارفع ركبته
الله يسلمكم في المشايه يمشي ع ورا ويمين ويسار وشوي وشوي ع جدام بس اكثر شي ع ينب
انا ابي احطكم بالصوره بحالته كلها عسب تفيدوني وطمنوني ومن خبرتكم تعطوني ^_^
المشكله يوم يشوفونه بعد يقولون فيه شي عا د تعرفون قلب الام مهما بقول برايهم مايهمني
بقعد افكر ليش اتاخر ومن ناحية المشي كله يقولون نموه بطيء في شي الله يسامحهم ويصبرني
شو رايكم خواتي ؟ ومن غير اللي يشوفه ما يقول ماشاء الله كله الله حلو ولدج جنه بنت وكله يقولون بيطلع
خديه شرات البنات حسبي الله عليهم ويضحكون تدرون ليش لان واحد من عمومته عليه حركات
وانا ما ارضى عسب عمه جيه يقعدون يشبهون ولدي فيه جان صلبوا ولدهم عسب يرمسون عن ولدي
آخ مقهوره منهم … ابي نصيحتكم ورايكم يهمني ؟
سوري طولت عليكم …
انا بنتي البكر حبت يوم عمرها سنه و4 شهور اما بنتي الثانيه 8 شهور حبت وتوقف بروحهااا
ان شاء الله بتشوفينه يمشي ع طول
انتي اديتي اللى عليج اطمنتي على وضعه صحيا
اتابعينه بالغذا والرعايه
وتطور الطفل يختلف من واحد للثاني 
الله يحفظ بناتج ويسلمهم من كل شر .
شاكره وجودج بموضوعي حبوبه طمنتيني …
كراميل
تسلمين وربي ريحتيني ربي يعطيج ع قد نيتج ويحفظج من كل شر …
عادي انه ما يمشي مادام مطلع ظروس
ترا الظرس ياخذ من كالسيوم العظام فبيضعفن عظامه اذا اجبرتيه عالمشي
خليه عراحته واذا اتاخر عن سنة وثلاث شهور وديه دكتور عظام
بس انا اقولج ما عليه شر
والله يحفظلج اياه
الحمدالله ع كل حال وعسى خير الغاليه …
القلب الزجاجي
بخصوص دكتور العظام الاسبوع الياي مسوتله موعد وان شاء الله خير …
وآمين حبيباتي ويحفظ احبابكم وعيالكم …