.:: كــل عــام وانــتي الحــــب ::. يــوم ميـــلاد أميــرتي الصغيـرة ::.

مــرحبـــا الســـاع ومـــلاييـــن بذمتيــه ولا يســدن

شحــالكــن خــوآآآتــي عســـآكــن بخيــر ؟؟

في البــدايـة حبيـت أقوولكــن ،،

انه أميــرتي الصغيــرة ( الله يحفظها قــولن آمين ^_^ )

كمــلت من كم يــوم ســنه ،،

وحبيــت احتفل فيهــا احتفــال عائلـــي بسيــط ،،

وبمــــا انه اهــل ريلي في الشــرق واهــلي في الغرب ،،

قررنــا انا وابــوها نســوي لهــا حفلتيــن .. حفله ف بيت اهليه ،، وحفله ف بيت اهله ،،

( لإرضــاء جميــع الأطـــراف خخخخخ )

وبحــاول ان شــاء أحـط لكــم الأفكــار كلهــــا عشــان اللي حابــه تستفيــد ،،

بســم الله نــبدى ..

فــي البــدايــة سـويت بطاقــة دعوى صغيــره ،، وكنت بربطها بشريطه عليها كاكاااو بس ماحصل نصيب ومالقيت وقت ،، عشـان جي وزعت البطاقات عاادي ،، واحلى جمله كان في خاطري اكتبها من زماااان في البطاقه (( جنــة الأمهـــات منــازلهـن )) خخخخخخخخ لأنهم ذالين اليهال ف الاعراس

كيــكة الحفــله .. طلبــتها من حلــويــــات قيصـــر .. وبصــراحه ،، لذييييييذه وطعمهاا وااااو ،، وطلبتهااا طبقتين من داخل .. فانيلا وكاكااااو وبجد طلعت خطيييييييره ..

وهــذي بطــاقة كبيـــرة خذتــهـــا من تهانــي الخليــج عشــان كل حد يكتب لهاا ذكــرى .. وحفظتها لهــا مع البطاقات الصغيره اللي كانت على الهدايـــا .. عشــان تشوفهم يوم بتكبــر بإذن الله ^_^ ((يزاها الله خير اختيــه ZOOMYAT لأنهااا فكرتها كانت وهفيتها عنها خخخخخخ ))

طبــعا في البطاقــة خليــت ابوونــا ( ربي لا حرمــنا منه ) يكتب لهــا أول شخص في البطاقه واستاانس واااايد ^_^ …

وهنيـــه نبــدى في تجهيــزات الحفلــه ،،

سـويت الحفلــه في صاالة بيت الوالد الله يحفظـــه ،، لأنها كبيــرة ومكيفاتها وايـده ( عشــان مايحرون الصغاريــه )

وزينـــا الصاله ،،، وحطينا سماعات كبيره ومسجل ،، وكنت مجهزه سيدي فيه كله عن عيد الميلاد ،، وحطيناه للصغاااريــه وارتبشــــوا واااااااايد واستانســواااا ،،

وطبعاا ما قدر أحط لكم الصور لأنهم واضحين ف الصور خخخخخ ،،

بحط لكــم مقتطفــات من الحفله بس ،،

هنيــه جاانب من الصاله ،، والصووب الثاني بعد كنا مزينينه احلى عن هالصوب بس للأسـف الصغاريه كله هاك الصوب واقفين خخخخخخ ،،

..

طبعــا الطاوله مثل ماتشوفوون عليهـــا أكواااب بأشكـال رسوم رووعه ،، وزعت عليهم ف نص الحفله بيبسي وبارد في هالاكواب ، والبنات اختارن مال البنات والاولاد اختاروا اكوااب السياراات ،،

والصحوون وزعنا فيها الكيك وحطينا فوق كل كيكه مظله ( نفس اللي واضحه في يمين الصوره )

والتــلوين خليناه ف نهااية الحفله سوينا لهم مسابقة ( أحــلى تلويــن للبنات والاولاد ) وارتبشوا عليــه فديتهــم ،،

واستغربتوا يوم شفتوا المراضع صح ؟؟!!! خخخخخخخخخ

سويت مسابقة لهم ،، حطيت ف المراضع غازااات خخخخخخ فانتا ،، وكل مره دور شخصين من نفس العمر يلعبووون ،، واللي يخلص المرضعه اول هو الفااايز ،، وصدق صدق ارتبشوا على هاللعبه وماابغينااا نخلص من حفلتهم بسبة المراضع ( حبوا انهم يردون لأيام الطفولهم شكلهم خخخخ )

والفااايز ياخذ حبتين ماكنتوووش ،، والخسران حبه وحده بس ^___*

والأكياس اللي عدال التلويــن ،، اكياس صغيره ،، حطيت لهم في نهاية الحفله فيها 4 حبات عصير وكل واحد شل كيكة وجيس وياه البيت من غير هداياهم طبعا ،،

وهنيه ،، صوورة الهدايا ،، وبنات اختي فديتهم واقفات يتأملن الهدايااا ،،

بالنســبه للبنات اول مابدت الحفله لبسناهم الفراشات وكل حد اختار اللون على حسب لبسه ،، والاولاد لبسوا ويه سبايدر مان ( كله واضع ف الصووره )

وفي نهاية الحفله ،،، حصلوا البنات على هديه عباره عن مذكرة على شكل فستان وفيها قلم من فووق فيه مثل فراشه تتحرك ،، ودفتر صغير على شكل وردة فله ،، والاولاد حصلوا على سيايير ومسدسات لعبان طبعا ( وواضح عندكم في الصوره ) ^_^ ،،

..

وهـــذي صــورة بنــتي ( الله يحفظهــا ) مستااانســه في وســط النفــاخ ^_^

وهنيــه شوفوا بنات خواااتي ،، الناس كلهــم محتفلين في صوووب ومرتبشــين ،، وهم في عالم ثاااني يالساات ايمعن النفاخ صوب واحد ومادري شو يسووون به !! خخخخخخخخخخ

(( لابســات الفراشاااات على الظهر والتاج على الراس وعصــى في الايد ))

وفــي النهااايـــة ،،

كتكووووووتي الحلووه ملت وهي تشووف كيكتها وف خاطرها تقوول شوو ها متى بيقطعون الكيك وباكل من كيكتي !!

نسيــت اقولكن ،،

لين ياا وقت تقطيع الكيك ،،، بنتي تعبت فديتها ورقدت خخخخخخخخخخخخخ ف كانت حفله حلوه انه الصغاااريه هم اللي طفوا الشمعه عنهاااا خخخخخخخخخخخخخ ،،

وتووتــه تووتــه خلصت الحتوووتــه ،،

طبعا الحفله كانت الحمدالله بتوفيق من الله حلووه ببساااطتهــــــــــــــا ،،

ونسيــت اصوور لكــن الهداااياا اللي ترست البيت عندي !!

وأي استفـــسار خويتــكــن حاااضـــره ،،

وتــرقبــن تقرير الحفلــه الثانيه ف بيت اهل ريلي ^_^ ان الله رااااد ،،

ودعـــوة حلــوه منــكن تكفـــيني .. ( انه ربي يحفظ لي بنتي وريلي .. ونفرح فيها كل سنه وكل حول بإذن الله ) ..

خويــتكن ،، شذوووووووي