شو علاج فطريات اللسان

هلا خواتي
ولدي فديته الله يحفظه عمره 6 شهور شو علاج فطريات اللسان الي سببها الحليب
عطيته دوا المستشفى بس بعده ما خاز

شي علاج طبيعي او شو الاحتياطات الي لازم أحرص عليها
يزاكم الله خير

الله يشفيه لج بس شو دوا المستشفى ..

حبيبتي عقمي مراضعه عدل او غيريهم .. واذا ترضعينه طبيعي علاجي حلمت صدرج الاول …

انا بنتي اذكر كان عمرها ايام وطلع لها في حلجها مب لسانها واستخدمن دكتالرين ؤورل جل ..
اسالي الدكتور عنه ولكن تحذري لانه وااايد سويت حطي منه قليل عن يشرق ..
لانه بنتي شرقه به واايد سكر …

الله يحفظ لج ولدج ..

واتمنى البنات اللي عندهن خبره يفيدونج

في الصيدليه بتحصلين دو الفطريات عادي عطيه منه انا أسوي جذا يوم تطلع لبنتي

الدكتارين الجل وايد زين

حبيبتي عطية ماي بعد كل رضعة يومين انشششا الله وبتحسين بالفرق
واكلية لانة الاكل يخفف واااااااايد

Makostat
الدكتور عطاني هذا الدوا حق ولدي يوم طلعت له فطريات على لسانه .. والله ولدي وايد استفاد منه
ريحته فانيليا و طعمه حلو .. الله يعافي الجميع يارب

دكتارين جل وايد مفيد

واذا ماتبين تعطينه دوا عطيه طحينيهه