الموضوع الي عندي ما فيه مشكلة بس
بديت اعلم بنتي على تأدية الصلاة _عمرها سبع سنوات فديتها انا_
مثل ما وصانا عليه رسول صلى الله عليه وسلم علموا اولادكم الصلاة في سبع وضربوهم في عشر
كيف ابدء اعلمها
علمتها الوضوء يوم اصلي اخليها تصلي عندالي وانا ارفع شوية صوتي عشان تسمع شو اقول
المشكلة انها تحرك وايد وتلفت معني احذرها كل ما ايي اصلي كيف اقدر اخطي معاها
لو حد يساعدنا وعرفنا كيف انخطي معاهن ونغرس في عيالنا الصلاة وامور الدين
بس بنتي بعدها ست سنين،، صف اول،،
كل ما أصلي اخليها توقف حذالي،، ومثل ما قلتي تتحرك وااايد وتتلفت،، بس ماعليه،، انتي قوليلها انه غلط،،
شو في انا كيف اسوي مع بنتي،،
أول أسبوع اخبرها كل صلاة كم رركعة،، لين ما حفظت،،
يعني أخبرها الظهر 4 ركعات،، وأفهمها الركعة كيف،، وهكذا..
والأسبوع الثاني اعلمها انه اول شي التكبيرة بعدين سورة الفاتحة فكل ركعة
واخليها تمثل جدامي،، لين ما تحفظ،،
واللي عقبه اعلمها انه لازم نقرا سورة قصيرة بعد الفاتحة،، واخليها كل صلاة تقرا سورة من السور اللي حافظتها،، والصلاة اللي عقبها تغير السورة،، عشان ما تحط فبالها نه لازم نقرا سورة معينة
لاني يوم كنت صغيرة كنت اتحرا بس يقرون سورة الاخلاص، لين ما كبرت عرفت انه عادي أي سورة،،
وهكذااا،،
لين ما تتعلم الصلاة كاملة،،
وبعدين اعتقد فالمدرسة يعلمونهم،، ان شااء الله ما تكون خلصت صف اول إلا وهي متعلمة الصلاة،،
والله يهديهم ويخليهم ياارب،،
وفي برامج وصور ولوح تعلم الأطفال الصلاة،،
دوري فالنت بتحصلين وااايد