بنات من تقدر تساعدني وتفيدني
ولدي فديته عمره سنتين
فيه كحه قويه طول اليوم خشمه يصب
وفي الليل يشرب الحليب ويتم يسعل ويسعل يلين يرجع كل اللي تعشاه وشربه من الحليب
وطول الليل ما يشرب حليب هو في العاده يشرب بس يعرف أنه إذا شرب بيرجع فديته والله
ما خليت شي من دواء نا عطيته
ينسون حطيتله في الحليب
منقوع اللبان عطيته
الحلبه قبل جربتها بس هذه المره ما عطيتها لأنها ما تعطي مفعول وإذا عطيت له حطيتها في العيش
شو أسوي وياه واللله إني راحمتنه
بنات اللي تعرف شي وبيفيدني
لا تقصر وياي
الله يشفيه واتمنى البنات يساعدنج ماعندي فكره
الغاليه الي يزيد الكحه ان حلجه جاف بسبب خشمه حاولي تحطيله قطرات بنتظام عشان ما يتسكر خشمه وفي الصيدليه يبيعون فكس للي تحت 3 سنوات خذي منه وحطي على ظهره وصدره … ولله يحفظه لج انشالله
بنوتة 11
وحنان العالم
وحنان العالم
مشكورات على ردكن
وأنا بالفعل أدهن صدره وظهره بالفكس(الحبه السوداء) صح تريحه بس يتم يسعل
والله بخصوص السعال ما اعرف اذا هاي الخلطة بتفيدة
جربيها وما راح تخسرين ان شاء الله
جربيها وما راح تخسرين ان شاء الله
هاي تنفع للبلغم وااايد
زيت زيتون اصلي
حبة البركة مطحونه
سخني الزيت يكون دافي
وحطي على صدرة
وان شاء الله تفيدة
انا مشكلة ولدي ان خشمة بس يسكر
فما يقدر ينام
كل مرة احط له قطرة
مرة ينفع مرات لا
الظاهر التكييف يسوي له مشكلة
عيوني هذي اعراض حساسية وخاصة بتلاحظين زادت هالشهر صح ؟ انا دخت مع بنتي مافادها غير شي واحد مابتصدقين !! يوم غيرت الموكيت مال الغرفه وحطيت باركيه افتكت
مشكورات الغاليات على ردكن
والحمد لله البارحه لاحظت أن السعله خفته إن شاء الله تروح