ما اعرف كيف ابدأ الموضوع ،، بس خلاص لو قلت لكم انى مرضت بسبب ها الشى بتقولون عنى أبالغ .
بس الله العالم بحالتى ،، ضيق بالتنفس وبداية اكتئاب ومب عارفه شو اسوى ،، بسبة ولدى اللى احبه اكثر من عيونى .
بس الله يهديه ،، الولد مب حاط فى بالة ابدا شى اسمه تعليم او مذاكرة ،، ما يركز مووول ،، لانه ما يحب المذاكرة او الدراسه ،، بس اذا فى اللعب او البلاى ستيشن ،، ما فى احسن ولا اذكى عنه ما شاء الله عليه .
هو بالصف الرابع الابتدائى ها السنه وتخيلوا للحينه ما يعرف يقرا ولا يكتب …. نعم والله ،، الا بعد عذاب وصبر جان بيقرا كلمة كل عشر دقايق .
والله ما ابالغ ،،
حاولت وياه بكل الطرق ،، منعت عنه الاشياء اللى يحبها ،، ما فاد ،، ضربته ،، ما فاد ،، الحينه يبت له مدرس خاص بالبيت بس عسب يعلمة يقرا ويكتب .
هل فيه طريقه معينه تخليه يركز وما ينسى الدراسه ؟؟ هل هناك علاج لها الشى ؟؟؟
ساعدونى الله يسعدكم ويسهل دروبكم للجنه يا رب .
خلاص على حافة الانهيار بسبة مستواه المتدنى .
الله يوفقكم جميعا واسمحولى بالاطالة .
يعنى ولا وحده عندها حل لمشكلتى ؟؟؟ الظاهر جذى
الله يهديه ان شاء الله وتقر عينى به ويبدل الله حالة لاحسن حال يا رب العالمين .
حفظيه القرآن أو وديه لشيخ يحفظه
ولا يرد القدر غير الدعاااااء
ممكن الغاليه اتقوليلي انتي من وين والمدرس الساعه بكم
وياليت فية حل