ولدي والمستحى بليز دشوا

سيدات الامارات بدش بالموضوع على طول
عندي ولد عمره خمس اسنين "الله يحفظه انشاء الله
من النوع الي واااااااايد يستحي حتى من اهلي وخصوصا الريايل
بس مع اليهال عادي يكون
وهذا يسببلي احراج كبير
يدخل ولايسلم ويزقرونه ويتم ساكت حتى لو غلط وارمسه ايتم يطالعني وساكت انا هاذي الحركة وايد اتنرفزني
وخاطري هذيك الساعة اجتلة
بس مايهون عليه
والله احترت وياه
الله يجزيها الخير ويبارك لها في عيالها
اللي ترد علي
محتاجة مساعدتكم

سلام عليج اختي
توني شاريه قبل جم يوم كتاب عن خجل الأطفال و كيفية التغلب عليه. اهو من اصدارات مكتبة جرير, قريت بس المقدمه ليما الحين لأنه ولدي الصغير اشويه خجول عمره 3 سنوات و ابي اعوده انه يتجرأ اشويه قبل بداية المدارس من جذي شريت الكتاب.
اهم شي قريته في المقدمه انج لا تقولين والله ولدي خجول جدامه. كإنج فرحانه بالشي هذا. و اضربوا مثل و قالوا كإنج فرحانه انه ولدج عنده انفلونزا. اشتري الكتاب ان شاءالله يفيدج يارب

يزاج الله خير
بس لو تقوليلي شو اسم الكتاب
والله يسعدج في ولدج ان شاء الله

عادي بس انتي حاولي لا تضغطين عليه انه يسلم ع الغرباء — اول شي حاولي تقوين شخصيته في البيت وتتكلمين معاااه واااااااااااااااااااااااااااااااايد — ولا تذكرين سوالف عنه جدامه عند الناس لان ها الشي يزيد خجله بالعكس قووي شخصيته — وامدحيه — والله يوفقج

مشكورات خواتي على النصايح
واشاء الله ببدا اطبقها من اليوم والله يسهل

ىسفه اختي على التأخير
والله ما كنت متذكره بأي منتدى رديت عليج و توني الحين القى الموضوع سوري مره ثانيه.
اسم الكتاب كيف تخلص طفلك من الخجل
دد.برناردو جيه. كاردوتشي

و نفس ما قلت لج من ادارات مكتبة جرير. اذا انتي من بو ظبي عندكم فرع لها, او روحي اي مكتبه مثل المجرودي او دبي للتوزيع و انشاءالله تحصلينه.