ولدي والمشايه

بنات ولدي كمل 6شهورعادي اييلسه بالمشايه واذا لا باي عمر ايلسه

انا بالنسبة لي استعملها في الثمن شهور
ان شاء الله الاخوات يعطونا معلومات اكثر

انا عني ما أستخدمها إلا اذا سايرة بيت حد وكان عندهم مشاية أحطه فيها
لكن ما أستخدمها باستمرار لأنها تعود الياهل يمشي على أطراف صبوعه
بس انتبهي تراقبينه عدل وهو فيها لا يطيح عن دري ولا شي لا سمح الله
والله يحفظه لج

انزين الغاليه ما خبرتيني باي شهر بديتي اتيلسينه

عزيزتي ام هزاع اليهال مب كلهم نفس الشي يعني شي يييلسون عادي من عمر ست شهور وعلى فكرة انا ولدي كبر ولدج وايلسه عادي في المشاية وفيه يهال اكبر من ست شهور وما يقدرون ييلسون على حسب انت جوفي ولدج واحكمي عليه وفي البداية لا تيلسينه وايد يعني 5 او 10 دقايق بس كتجربة والله يحفظ ولدج ان شاء الله

مشكوره الغاليه على كلامج الطيب

هلا الغاليه انا بنتي يلستها واهي عمرها خمس شهوور والله لين اللحين ايلسها يووم اطفرني عمرها سنه ونص ومثل ما قالت اختي كلمة طيبه كل يااهل يختلف عن الثااني انتي شوووفي ولدج … والسمــــــــــــــوحه