السلام عليكم ورحمة الله وبركاته ..
خواتي اشحالكم . . ان شاء الله بخير ..
عزيزاتي الإمهات .. أنا الصراحة ما عطيت ولدي ماء .. يوم دخل ست شهور قمت أعطيه ماء .. لأن الدكتور كان يقولي ما يحتاج الماء لين ست شهور .. لأن حليب الأم في نسبة من الماء … وكنت ارضع ولدي طبيعي .. بس كنت أعطيه مره وحدة أو مرتين حليب صناعي وينسون و شاي الإطفال امبرس عندما أكون في الدوام فترة الصبح ..
واليوم انا اتصفح الانترنت في إحدى المنتديات كان مكتوب الماء ضروري للطفل الرضيع … والله قلبي طاح في ريلي … خفت وااايد … ليش الدكتور كان يقولي عادي مافي داعي للماء ..
عزيزاتي منو عندها فكرة عن هذا تخبرني … هل بيأثر على ولدي في المستقبل … والله اني خايفة !
((((((((( الله المستعان ))))))))))
أو لاتحاتين………
(وجعلنا من الماء كل شي حي )
انا اميه كانت تعطي ولدي من يوم في الاربعين يوم اقولها لا تقول كلكم شربتوا ماستوا عليكم شي تقول لازم يلين اللسان اكيد حبيبتي الياهل يعطش الحين عطيه وان شاءالله مافيه الا العافيه
بس الصراحة أمي الله يحفظها تعطي الصغاريه ماي …تصدقين مرة واحد من عيالي
تم يصيح مده طوييييييييييييييييييييييييييييييييييله حاولت أرضعة ..أعطيه مرضعه ..أغير له ..
أرقده أشله أحطه مايسكت …جان يقول ريلي عطيتيه ماي ؟؟؟؟؟؟؟؟؟؟
ويوم عطيته مرضعه فيها ماي شرب فديته وكان يشرب مال عطش …غمضني والله
ويومها ريلي كان شوي ويكفخني …ومن يومها كل ما أعطش أشرب الياهل ماي.
بس فديتج لا تخافين عولدج ماعليه شر …ابدي عطيه من الحين تو الناس ..
انا اعطيه مرات ماي خاصه اذا ياه بوفاق وما كان يوعان
بس انا اللي اعرفه ان الياهل ما يحتاج ماي اذا كان بس يرضع لان حليب الام فيه ماي
واذا بديتي اتاكلينه ،، يفضل تعطينه ماي عقب الاكل لانه يعطش