السلام عليكم خواتي
اليوم بحكيلكم عمليات النصب الي تعرضت لها وما بعرف كيف اتصرف مع اني عندي عضوية تاجرة وما بعرف اخد حقي حسبي الله ونعم الوكيل حسبي الله ونعم الوكيل .في رمضان الى طاف طلبت مني زبونه جلابيه مغربية وحجزتها وظبطتها على قياسها وكل شي تمام كلمتني وقالت انها تبغي الجلابيه في اسرع وقت قلت ان شاء الله خلال يومين تكون عندك وفعلا طرشتها مع شركه توصيل ولمن استلمت الجلابيه قالت للمندوب انها طرشت الفلوس على الانصاري وخلاص المندوب صدقها وراح لمن عرفت القصه اتصلت عليها الرقم مغلق ولا حياة لمن تنادي للعلم ان قيمة الجلابيه 1200 درهم ما اخدتت منها ولا فلس (انا بفصلهم مخصوص بالمغرب وبجيبهم جاهزات للبيع وبدفع جمرك وشحن وتظبيط ) وفي الاخر ما اخدت لا حق ولا باطل واليوم تعرضت للحالة التانية من 10 ايام اتصلت علي زبونه وقالت انها شافت الجلابيات بالمنتدى وحابه تطلب وحده قلنا على خير واخدت مقاساتها ورقمها ومنطقتها وكل شئ تمام للعلم ان هي بالمنطقه الغربية يعني وايد بعيده ظبطت الجلابيه على مقاسها وطرشت المندوب الخاص بالجلابيه وقبل لا ياخد الطريق اتصل عليها وقال انا المندوب جايب الطلبيه وقالت له تعالى انا بانتظارك معلش طولت عليكم استحملوني بس بجد انا مقهورة وحالتي ربي يعلم بيها ماعلينا وصل المندوب للمكان الي خبرته يروح لها فيه للعلم انه مش بيت يعني قابلته بالشارع العام وهي بسيارتها واخدت الجلابيه وقالت له الحين مش معاي الفلوس اخر الشهر بطرش للتاجرة فلوسها (وقالت انا كنت مفكرة مندوب تاني لاني طالبه من كدا تاجرة )والمبلغ مش متوفر معاي الحين بس المندوب اتصل عليا وقال ممكن تكلمي الاخت تقول ما راح تدفع الحين انا انصدمت صراحه وهي بتكلمني وتقولي الحين مش معاي المبلغ خلاص انا شلت الجلابيه واخر الشهر بطرشلك فلوسك وكلمتني على اساس انها انسانه كويسة وتخاف ربها وعلى طول بتحول اول ما تاخد معاشها بس انا قلت لها خلاص رجعي الجلابيه ولمن يكون المبلغ متوفر بطرشهالك تاني قالت لا وخلاص هي اكيد راح تطرش الفلوس واصرت على كلامها لين وافقت .من 3 ايام اتصلت عليها قالت الحين بحولك كل مرة تقولي الحين بحولك انا رايحه الصرافه وما بتحول وارجع اتصل وتقول انا اسفه عندي شغل الحين بعدين اتصل وما بتتصل حتى ما اخدت لا اسمي ولا اي معلومه عشان تحول المبلغ واليوم كلمتها ما بترد نهايي وطرشت لها رساله ما ردت مش عارفه كيف اتصرف وكيف اخد حقي من ها النصابات ربي عالم بحالي وانا انسانه في حالي ما احب المشاكل نهائيا الله يكرمكم الحين كيف اتصرف معاها وانا متاكده من انها كل ما كانت تكلمني تتمسخر عليا ورغم ذلك بترجاها بس عشان تحولي فلوسي وكمان ما حبت تختم للمندوب على ايصال الاستلام الله يخليكم كيف اقدر اخد حقي منها وتكون عبرة لغيرها ساعدوني ما عندي احد غير الله وانتم
والسموحه منكم خواتي
و ما ادري عندي احساس انها تعرف الحرمة الاولى اللي نصبت عليج .. ما ادري ما ابغي اظلمها بس غريبة السالفة .. الله يرد حقج بأقرب وقت يا رب
و مرة ثانية لا تقبلين اطرشين اي طلبية الا بعد ما يدفعون لج على الاقل نص المبلغ
المشاركة الأصلية كتبت بواسطة cute uae 
و ما ادري عندي احساس انها تعرف الحرمة الاولى اللي نصبت عليج .. ما ادري ما ابغي اظلمها بس غريبة السالفة .. الله يرد حقج بأقرب وقت يا رب
و مرة ثانية لا تقبلين اطرشين اي طلبية الا بعد ما يدفعون لج على الاقل نص المبلغ
كيف ابلغ عليها وان ما عندي دليل ولا ايصال انها استلمت واصلا ما حبت توقع على الايصال
ماتقدر تطلع معلومات الا بعد ماتفتح بلاغ عليها برقمها عقب يطلعون المعلومات
لو كانت التجارة بطريقتج كان محد ربح !
شوفي حبيبتي خلينا نعتبر اللي سويتيه درس ولازم الكل يستفيد منه وأوله انتي !
الغلط رقم 1 :
انتي اعتمدتي على مندوب ما وياه كوبون !
سواء كنتي تتعاملين ويا مندوب أو شركة توصيل
لازم تكونين حريصة انه المعلومات كاملة مسجلة على الكوبون :
الاسم والموبايل والعنوان
وسعر الطلبية + رسوم التوصيل = مكتوب كااااامل على الكوبون
والاهم من هذا تبينين طريقة التوصيل : هل هي ..
1 استلام عند التوصيل ؟
2 تحويل بنكي ؟
3 طريقة أخرى؟
ليش ؟
عشان المندوب هو المسؤول عن الطلبية
لازم يتأكد قبل التسليم هل بيحصل الفلوس فورا والا في اتفاق مسبق على التحويل البنكي ؟
كونه صدّق كلامها هذا ما يعطيه العذر!
كان قبل لا يتحرك من عندها يتصل فيج ويسالج عن التحويل !
غلط رقم 2 :
لما سلّم الزبونة الثانية الطلبية
حس انه لسالفة فيها إن واتصل فيج
ساعتها كان لازم تصرين على رايج انها ترجّع الطلبية لين وقت ما تكون جاهزة ..
كان على أقل تقدير تطلبين منه انه يسجّل رقم سيارتها عشان يكون عندج دليل واثبات !!
الحين شو الحل ؟
الحل الوحيد اللي ينفع مع هاذيل الناس هو للاسف الشديد : الحزم و التهديد بتبليغ الشرطة !
طبعا هي بتخاف من الشوشرة
ويمكن تحس على دمها وتخاف !
لأنه صدقوا المصريين يوم يقولون : "في ناس تخاف ما تختشيش"!
والله يعوضج خير
أختي بما انج تاجرة جلابيات .. اول شي اتسوينهم قبل ما اتضبطيين مقاسات الجلابيه للزبونه خذي منها نص المبلغ … واكدي على المندوب مايسلم بضاعة حد الا اذا راح لين بيت الزبونه وما يعطيها البضاعه لين ما توقع وما يتحرك من مكانه لين مايسلتم البيزات
لانه في ناس ما يخافون الله
ما اعرف والله .. قهر صدق
الله يعوض عليج يا رب