مشكلتي مع اللحم ادخلو بليز

بنات انا عندي مشكلة وهي ما احب اكل اللحم مع اني يوم كنت صغيرة اكله عادي بديت ما احبه من كنت بالثانوية لين يومكم ما اطيق اجوفه وين ما ايكون حتى لو جفت صورته بالتلفزيون مب جي السالفة بعد انا متزوجة وما اريد اللحم ايدش البيت لاني ادري اذا دش البيت مارح اطبخه مب جي السالفة بس اذا رحت بيت اهلي والا بيت اهل ريلي وادري بس ان عندهم لحم بالثلاجة اتضايج وما اكل عندهم شي من فوالتهم لان احس اجواء اللحم في كل مكان ويوم ايي عيد الاضحى اتضاااااااااااااايج انتوا عارفين الاجواء كيف عادي اكمل اسبوعين ما اكل زين لاني اتم ببالي اجواء الذبايح مع اني ما اجوفها خاصة يوم اروح بيت اهلي اجوف امي وابوي يقطعون بهذاك اللحم اشرد عنهم بدال ما اسلم عليهم وابارجلهم بالعيد وحتى ريلي من ايي من عند الذبايح الي يذبحوها فالعيد اترياه لين ما ايرد البيت لاني ما اباه يمسك مقبض الباب واقوله سيده روح اسبح وامسك تلفونه ومفتاحه واطهرهم بمحارم مطهره بنات انا وايد متعقدة من ها السالفة واااااااااااايد حتى يوم اجوف شي بالتلفزيون لحم مقصبة ذبايح افره بسرعة واتم لايعة جبدي وكل ما اكل شي تتم ببالي الشي الي جفته وتلوع جبدي بنات ادري الكلام الي كتبته مو مرتب لاني ما اعرف من وين ابتدي هاي عقدتي بها الدنيا اتمنى انكم اتساعدوني

ربي يوفقج اختي

ولي عودة ^^

الله يعينج والله مدري شو اقولج

انا عيل السمج ماحبه مع اني يوم كنت صغيرة اكله بس الحين حتى ريحته ماطيقها

وحتى ماكل اللحم بعد..مادري شو الحل والله..

الله يكون بعونج حبوبة..

خخخخخخ نفس الحالة عندي بالظبط
الله يعين بس الغريب عندي عادي آكل مشاوي لكن لحم ثاني لا
وما أطيق ريحة اللحم وتلوع جبدي بسرعة

مممممم انا اخااف من الدم عموماً ^^فما باااالج لو شفت شي جدامي مذبوووح !!!!!!

وانا نفس الشي يوم صغيرة عادي

احينه من اشوووف لو ديايه مقصوص راااسها احس بلووعة فجبدي

بس حاولي اتغيرين هالفكرة من باااالج

وعلى طووول رشي عطر فكلينكس وشميه

لا تسأليني ليش

بس فظني هذا هو الحل^^

لأني اعتبره هرب من الموووقف

احس يبغالج اختصاصي يفط هالعقدة ، اللحم ، السمك ، الدجاج ..

امممم ماعرف شو الحل بس غالبا التعود .. او التجويع .. وربي يكون بعونكم