بدخل في الموضوع على طول ….من دون مقدمات
الله يسلمكن ….من 10 ايام وانا اتصل على المكاتب ادور خدامه فلبينيه ….معظم المكاتب ما عندهم طلبات ……
واللي عندهم…..زادوا اسعارهم وايد …..الفلبينيه اقل شي على 7000 درهم …..و رواتبهم 1000 درهم واكثر ……ولا بعد لازم تسوين لها تأمين صحي ..
و اللي حصلتهم كبار في العمر ….فوق 38 سنه …
البارحه قررت روحي اسير المكاتب …..سرت مكاتب عيمان والشارجه ….حصلت على 6500 درهم ….بس عيايز ….يعني سرت بدون فايده …ولا حصلت لي وحده زينه ..
اليوم كلمت مكتب في دبي ….واخترت 3 فلبينيات عسب اني اتصل فيهم قبل ما اقرر على وحده …
اول وحده رمستها …..تقولي ابا راتب 1500 درهم …قلت لها وايد …قالت انا قبل اشتغلت عند عايله بريطانيه ويعطوني ها الراتب ….عقب عاد سوت ديسكاونت …وقالت ابا 1000 درهم …..قلت لها بعد وايد ….يا ليتج بعد تعرفين تطبخين ….بس غسيل وكوي وتنظيف ….على شو ها الراتب اللي تبينه …المهم ما طاعت بأقل عن 1000 درهم
اتصلت في الثانيه …قالت لي انا مشتغله سنتين في البحرين واعرف اطبخ وانظف …الخ ….وابا راتب 1300 درهم …………….وطبعا ما طاعت بأقل عن ها الراتب ..
انا ابا افهم …شو اللي صاير ….الحين البشاكير هم اللي يتشرطون على الراتب …..ولا المكاتب اللي عندنا في البلاد فاتحين المجال لهم ؟؟!!!!
..ونحن مب رايمين نسوي شي …غير نتريا الفرج
ولا بعد يبالهم شهر الى 40 يوم …الين ما يوصلون البلاد ………….يعني انا بربي …والبشكاره ما وصلت !!!!
المهم يا بنااااااات …..بغيتكم تساعدوني بمكتب في دبي او الشارجه او عيمان ….او حتى لو في اي اماره اخرى…….عندهم فلبينيات براتب 750 الى 800 درهم كحد اقصى ..واعمارهم من 26 الى 36 سنه…….والاهم يكون تعامل المكتب اوكي …وما يلعوزوني …
اتريا تفاعل الجميع
قاموا يتشرطون بالراتب
عندنا في بوظبي رواتبهم 750 الى 800
والمكتب يفهمهم هالشي
نحن نكلمهم بس عشان تشوف شو تعرف تشتغل وكيف لغتها
ولا نسألها كم تبين راتب
والممرضات أو الدريوليات هن اللي رواتبهم 1000 وفوق
اما بخصوص اتعاب المكاتب مثل ماخبرتك الي قبلي عندنابوظبي على 7000- 8000 بالكثير هذا حدهم هذه اتعاب المكاتب – مع ضمان 3 شهور – الراتب لايتعدى 800 واذا كانت اندنوسية 700 – احسنلك سيري بوظبي – وعلى خليهم يطرشولك الطلبات بالايميل – وبعدها تواصلي معاهم – والله يوفقك
ارخص مكان فالدووله العييييييين و رواتبهن 800
اما عن راس الخيمه الفلبينيه راتبها 800 درهم و ااكد لج مب اكثر و ايبيونهم على 7500 احين زادوهم من اسبووه ولا قبل اسبووع كانن ب7000.. مع الضمان لمدة 3 شهور…و هو اصلا 4 شهور بس ما يقولون لج اونه بس 3 شهور..
بس الراتب 800 درهم فقط لااااااا غييير.. و شي بعد اصغر عن جي انا شفت فالفايلات عندهم.. لو اترومين رووحي
بس بدارسه مني ارخص مكااان فالدوله كلها العييييييين…
طرشوا لي اسماء المكاتب بليييز اللي في العين