+ارضين عدال بعض في منطقة غريبه – العين :و نبى انبدل، شالحل؟؟ +

شحالكن بنات..

ارض ريلي و اخوه عدال بعض في منطقة غريبه (حي مليحه )

و هالمنطقه بين الشعيبه و المقام بس المشكله انه اراضينا بعيييييده وايد عن اهلنا !
احنا ساكنين ف الطويه و ما اتخيل انا بنروح هناك وايد بعيد الصراحه

المهم نبى انبدل.. و احنا اراضينا كبار ( 200 في 200 )

ياريت لو انحصل ف السلامات و لا البطين ولا مريفيعه ولا حتى الفوعه المهم قريب على الطويه مب اخر الدنيا

بس اذا بدلنا عن طريق البلديه بيعطونا اراضي اصغر حسب ما سمعت (هذا اذا بدلوا من الاساس) !!

ف شو الحل.. شو اتشورن عليه.. انا مكتئبه من سالفة الارض ..

احنا خلصنا الخريطه مع الاستشاري و بعدنا ما ودينا الاوراق البلديه لاني مب مرتاحه من انه الارض بعيده انا عيالي صغار و ريلي ايداوم ف ابوظبي و ايي اخر الاسبوع.. يعني بتم بروحي ف هاذيك المقطعه بعيد عن اهلنا..

اتمنى اللي تعرف حد يبى ايبدل اترد عليه او حتى تدعيلي انا انحصل ارض قريبه

إن شاء الله تحصلين الغالية

الله يوفقكم

الله المستعان

ان شاء الله تحصلون حد يبادلكم

الله يهديج اختي المسافة مو اكثر عن 15كيلو واتقولين بعييد
شو تقولين عن اللي محصلين في القوع و الوجن و ناهل ومزيد

احمدي ربج بس

مشكورات خواتي على الدعوه الطيبه الله اينولكن اللي في بالكن انشالله

هيه اختي بعيد وااايد يوم اتكونين بروحج ف بيت شكبره و بعيد عن اهلج و ما عندج ريلج طول الاسبوع..

اكيد في ناس تبى اتبدل و يبون بعد يتقربون من اهلهم , في ناس محصلين في الفوعه و ف مكان وايد حلو و بدلوا وراحوا الخليف لأنه كل اهلهم هناك..