السلام عليكم و رحمة الله و بركاته
الغاليات شو تسوون ببطاقات الأعراس القديمة والزايده…؟
ما أقدر أرميها لأن فيها أدعيه و اسم الله مكتوب فيها إما فالدعاء أو في اسم المعريس " عبدالله – عبدالرحمن – …..الخ ..
ولا أحرقها لأن فيها بلاستيك و عددها كبيييييير 
شو اقتراحاتكم يالغاليات ..
عزيزتي أنا أحطهم في صندوق جمع الجرايد المنتشرة في بعض المسايد
ايمعهم وحرقهم
ماشي غير انج تحرقيهم يعني اخرهتم بينعقوا وحرام الاحسن خرقهم
للرفع
ربي يسامحنا .. >< نحرقهم
ليش يا خواتي تحرقونهم .. جذي تضرون البيئة
حطوهم في صناديق الجرايد، تراهم يسوولهم إعادة تدوير ويصنعونهم مرة ثانية
أنا ايمعهم مع الجرايد في أكياس، وإذا تيمع وايد أوديهم مرة وحدة