افيدوني كيف تتم عمليه توصيل البضائع ال الزبونات

كيف تتم عمليه توصيل البضايع من التاجرات الى الزبونات يعني بالبريد ولا كيف؟؟؟
و كيف يتم الدفع ؟؟
و قبل هذا كله كيف يتم التواصل بين التاجره والزبونه

الغالية تتعاملين مع شركه
مثلا اناا اتعامل مع راك اكسبريس وهو يجي البيت عندج وانتي تعطينه الكيس
بعد ما تكتبين البيانات مالت الزبونه عليه واسمج
وتعطينه الاغرااض وبعد مع الشركه تستلم البيزات بيجونج البيت وبيعطونج البيزات وهكذا
وتكون الطريقه هذي سلم واستلم

حبوبة

تختارين طريقة الدفع والتوصيل اللي انتي بتريحج

يعني مثلا..

الدفع المسبق.. تدفع لج فلوسج قبل لا تطرشين لها الأغراض..

يعني تحول لج على الأنصاري أو البنك.. وعقب ما تحول تطرشين لها الأغراض مع أي شركة توصيل تختارينها..

أو سلم واستلم..

وهو إنج تشوفين أي شركة مناسبة تطرشين الأغراض للبنت.. ياخذون عنها المبلغ ويسلمونها الأغراض

وهذي شركات التوصيل

هــوت لاين
راك اكسبريس
امبوست
أرامكس
إيلايت
بروفيشنال

وإذا في شركة ثانية أنا ناسيتنها البنات ما بيقصرن

بس مب كلهم عندهم سلم واستلم

;

,

البنـآت مـآقصـرن وان شـآء الله استفدتـي =)

مشكورين جزاكم الله خير

يعني الشركه تاخذ من الزبونه اجره التوصيل ؟وكم يكون المبلغ ؟ وهل تاخذ من التاجره؟؟ واسفه عورت روسكم بالاسئله

حبوبة

بخبرج عن سياسة شركة هـوت لاين

تشترين من عندهم 10 كوبونات على 250 درهم.. يعني الكوبون بـ 25 درهم

ومثلا تبين تطرشين طلبية لوحدة من البنات قيمتها 100 درهم..

تكتبين على الكوبون 125

اللي هو 100 قيمة الطلبية + 25 للتوصيل..

يعني المبلغ اللي دفعتيه للكوبون بيرد لج

بس إذا البنية كنسلت الطلبية راح عليج الكوبون