خواتي سوري ادري اني وايد اتخبر عن فحص الزواج وهالسوالف…لان الصراحه …
بس بغيت اعرف انه اذا مثلا الي عنده الكبد الوبائي ولا الثلاسيميا مايقدر يتزوج ولا شو ؟؟
لان انا للحين مافحصت وان شاء الله الاسبوع الياي بفحص…وابا اعرف اذا هالشي يبطل الزواج ولا عادي ….
والسموحه منكم خواتي بس بليييز طمنوني خاصه اني اخااف من الفصيله لان فصيلي -o
وهو شرات فصيلتي…
والسموحه منكم
اللي انا اعرفه ان اذا الله لايقول نتايجكم ماتطابقت بيحطكم الدكتور وبيكلمكم ان دمكم مايناسب بعض وشو الاشيا اللي تترتب على هالنتايج فالمستقبل من ناحية الانجاب
وبيقول لكم القرار لكم واذا وافقتو توقعون على تعهد انكم دريتو بالنتايج وشو من الامراض بتصيد العيال الله لا قال
اما عن الكبد الوبائي ماعندي فكره
لكن الثلاسيما هو مرض وراثي بالدم يعني اذا انتي مافيج نفس المرض مو مشكله حتى لو كان فيج مرض ثاني اهم شي تكون امراضكم مختلفه
ان شاء الله اكون افدتج
وحطي في بالج ان كل شي صلاح من الله
المشاركة الأصلية كتبت بواسطة نبعة الريحان 
اللي انا اعرفه ان اذا الله لايقول نتايجكم ماتطابقت بيحطكم الدكتور وبيكلمكم ان دمكم مايناسب بعض وشو الاشيا اللي تترتب على هالنتايج فالمستقبل من ناحية الانجاب
وبيقول لكم القرار لكم واذا وافقتو توقعون على تعهد انكم دريتو بالنتايج وشو من الامراض بتصيد العيال الله لا قال
اما عن الكبد الوبائي ماعندي فكره
لكن الثلاسيما هو مرض وراثي بالدم يعني اذا انتي مافيج نفس المرض مو مشكله حتى لو كان فيج مرض ثاني اهم شي تكون امراضكم مختلفه
ان شاء الله اكون افدتج
وحطي في بالج ان كل شي صلاح من الله
تسلمين الغلا وماتقصرين …وريحتيني الله يريحج دنيا واخره……
بس انا سمعت انهم يعطوون ابره اذا كان في شي يعيق من بينهم؟؟
اذا حد عنده هالمعلوومه بليييز يفيدني ….والسموحه منكم
واذا اشياء وراثيه مثلا ً سكري ضغظ ولا ثلاسيميا بعد عادي بس يعطونكم خبر
هم مايمنعون زواج حد الا اذا كان لا قدر الله مرض خبيث
اما الاشياء العاديه واللي ماتعدي ، ولا تأثر ع اليهال عادي
اما اذا كانت امراض جيليله ( يعني تنتقل من جيل لجيل ) يعني سكر وفقر دم وهاللاشياء المنتشره عادي
اللي عليهم شرات ماقالت الاخت يخبرونكم ويخلونكم توقعون انه هم سوو اللي عليهم وبس
توكلي ع ربج والله يتمم لج ع خير
مثلا ربيعتي فيها بس درجته عاديه وتزوجت وماشاءالله عندها 3 بنوتات .. يعني عادي مااثر على شي .. اللهم يعطون ابر ..
ونفس ماقالت نبعه الريحان لو لا سمح الله طلع في شي بيقولون لكم انكم ماتناسبون بعض وهالشي بياثر ع العيال مستقبلا .. بيكون القرار راجع لكم بالاخير ..
وان شاءالله ماعليكم شر والله يتمم ع خير ..