شي يسحب العدسه من العين ويسهل طلوع العدسه

السلام عليكم ورحمه الله وبركاته..

بنات يمكن طلب غريب شوي بس احيد عند اربيعتي نفسه بس المشكله يايبتنه من المانيا..

اتعرفون العدسات للعين المخروطيه..؟ ايسمونها عدسات مخروطيه واتكون واايد اغلى عن العدسات العاديه..

وهاي يستخدمونها اللي اتكون عندهم القزحيه حلقات او شي جي وعندهم فوقها ضعف نظر..

ولد عمتي الله يحفظه طلع عنده هالحلقات في العين والضعف النظر.. وطلب الدكتور انه يلبس هالعدسات المخروطيه..

الحمدلله حصلنا العدسات.. بس المشكله انه عمره تقريبا 13 او 14 ولا عمره لبس عدسات والحين وحليله يلبسهم مب مشكله بس المشكله يوم ايي يطلعهم يتعب مايعرفلهم موول.. ويتم متضايج ومايبا العدسات ومن هالسوالف..

اربيعتي كانت نفس الشي.. بس من سنوات يابت مثل شي ايطلع العدسه من العين يعني مثلا يسحبها فتكون طلعت العدسه وااايد اسهل.. بس المشكله من المانيا ومن زمااان.. الحين نحن اندور من هالشي يعني اللي ايطلع العدسه من العين او يسحبها من العين.. وين نقدر انحصله..؟

بنات لاتردوووني حاولوا لأنه نبا منها ضروري لأنه الدكتور لازم عليه يلبس هالعدسه وهو الحين متلعوز وياها وااايد وايتم ضااايج..

اترياااكم

أنصحكم تسألون محلات بيع العدسات

وييينكم..

وماحصلناها عند محلات العدسات.. لأنه هاي عدسه خاصه..

سوي سرج على النت .. بس شو اسم الجهاز هذا ؟؟

سألي محلات الكبيره للبيع العدسات أو محلات اللي تييب ادوات طبيه ..وشوفي يمكن طلبج عندهم .. ومثل ما قالت الاخت دلوعة احمد ..سوي سيرج فالنت يمكن تحصلين غرضج

وبالتوفيج حبوبه

بنات يبتلكم الصور.. بمساعده وحده من المنتدى ايمها (uAe eVe) والله ماقصرت طورت الصور وطرشتلي اياهن من موقع ثاني للعضوه ميكب آرتست…

وأخليكم ويا الصور..

وهاذي الأداه.. شي منها ايطلع العدسه وشي منها ايدخلها في العين وشي للأثنين..

وتسلمييين اختي uAe eVe عالمساعده والله يعطيج العافيه..

كيف شكله ؟؟؟