شو الفرق بين اقمشة العباي

السلام عليكم

شحالكم

بنات ممكن اسألكم شو الفرق بين صالونه 1 وصالونه 2

وشوو احسن قماش للعبايا من وجهة نظركم

مع العلم اني احب القطع اليابسه مب الطايحه تقول حرير

يزاكم الله خير

صالونه رقم 1 تكون خفيفه..هذي حق المناسبات حلو
صالونه رقم 2 شوي ثجيله..هذي حق الدوام

يزاكم الله خير

يزاكم الله بس شوو تنصحوووني بأي قماش الصالونه والا الكرب سعودي والا البحرينية ؟؟؟

خواتي ممكن حد يفيدني لني ابا افصل عباه ولا اعرف شو اختار من الاقمشه اشوفهن كلهن ناعمات وايد وانا يابسه ما ينفع هههههههههه

انا جربت تقريبا كل الانواع…
بس استقريت على الكريب السعودي رقم 1…. ثجيل و غامج و يطلع واااايد مرتب فالتفصيل…
شي كريب رقم 2 ايي اخف شوي من رقم واحد… بس اثنيناتهم اوكيه…

و من يومها تميت على الكريب السعودي… الا في بعض الحالات استخدم ندى البحرينيه او الحرير او الساتان بو لمعه على حسب الموديل… لان في من الموديلات خصوصا اللي اييون وساع, كلوش, قصات او مزمومات ما ينفع و ياهم الكريب يبالهم قماش طايح…