بنات . حد جرب زيت أنوب الهندي؟؟؟؟

السلام عليكم ياحلوين…
بغيت أسألكم حد منكم جرب زيت انوب الهندي ؟؟
يقولون انه يطول ويغلظ الشعر
بفترة 3 اسابيع اللي مجربنه يخبرني لاني بديت استخدمه؟؟؟

ان شا ءالله يفيدج….بصراحه او لمره اسمع عنه,,,

بس اذا فادج..لا تنسين تخبرينا وتسوي عنه دعايا

يسلمو

انا استعملته ولكنه خلص ومالقيته في الدكان فوقفت

بس برجع له الصراحة

هو زين بس لازم تستعملينه صح

يعني ترجين العلبة قبل الاستعمال

وتوزعينه على شعر رطب موب جاف

ما تخلطينه مع زيوت ثانية لانه يسبب القشرة ( الصراحة يوم خلطته مع زيوت ثانية ياب لي قشرة ووقفت الزيوت كلها وتميت على شامبو كلير وخل لين الحمد لله راحت القشرة )

عليج بالاكلات المفيده اللي تساعد على نمو الشعر

ترا سوء التغذيه يلعب دور

بالاضافه للفيتامينات

اسألي اطباء الجلديه

انا ما استفدت الا يوم تعالجت

مرحبا والله انا اختي كانت تستخدم خلطة عجيبة اطول وتغلظ الشعر عبارة عن
1- زيت زيتون الوزير
2- ثومة كاملة ادقينها عدل
3- استكانة قرنفل بعد ادقينه
تحط هاي الاشياء في زيت الوزير وتخليه لمدة 3 ايام وتستخدمه
وعلى فكرة ترى القرنفل يطير ريحة الثوم من الشعر