بصراحه .. مادري شلون ابدأ… و ابييييكم اتسااااااااعدووووني..
نظراً لخلاص بيزات الزهبة و الذهب…ماتم لي شي حق طقم العرس..
و فكرت ان في بنت حلال اكيد بتساعدني بهل الموضوع..و تأجر لي طقم عرس..او طقم يكوون حلو و قياس رقم 2 لاني ماحب العوود و الموضه الحين يكون صغير..
و انا بحكم ميزانيتي خلاص مابقى منها الا لمكياجي و تسريحتي..
اتمنى ان وحده منكم اتساعدني..انا راح البس الطقم لــ 3 ساعات في العرس و بفصخه..و بسلمه لها
و من ناحية الضمان بعطيها ضمان و بعطيها صورة جوازي و أي شي لو تبيني اوقع عليه..و
و الحمدلله انا انسانه امينه و صادقه..و اتمنى وحده اتكون شراتي..و الطيبون للطيبات..
و انا ماراح آخذه منها بلاش..بأجره منها بــ 500 درهم.. ياليت اتقدرون وضعي المحرج و تطلع من بينكم وحده بطله..و ترضى بهل المبلغ اللي ممكن يكون زهيد .. بس لـ 3 ساعات و برجعه لها مثل ماهو.. لانها ماقصرت معاي..
بصراحه..عندي اهلي كشيخين..بس ماحبيت آخذ من عندهم طقم..لانهم يعيبووووون…و انا مابي اعرض زوجي لأي شي يقلل من قدره..لانه مسكين و على قد حاله..و انا مابا احسسه ان شي قاصرني..
و بتقولون انزين و اربيعاتج..بصراحه انا قلت لهم..و مب اي وحده بعد بطلبها بس القريبه مني..
و ماعجبني .. انا ذوقي شوي صعب..
و اللي راضيه بهل الشي .. بليز تتواصل معاي..و اتصورون لي الطقم و اتوروني اياه..و اذا عجبني
نتفق انا وياها…و الله انا واااايد وااايد منحرجه..بس شو اسوي..
اذا كان المرء في عون اخيه…كان الله في عونه يوم القيامه..
و الله يوفق الجميع
و بنات الاماارت و غير بنات الامارات اكيد شي منهم راعيات الواجب..و يحبون يرسمون الفرحه بويوه غيرهن..و انا بتم ادعيلها من قلبي..
و اهم شي الصورة..اتوروني اياه…و اذا عيبني بشوفه بالواقع..و بتفق مع راعيته..
و يكون كل شي تمام..
و الله يوفق الجميع..مثل ماتعرفون الناس للناس
الله ايوفقج إن شاء الله ويرزقج على قد نياتج ..
الغالية شوفي هالرابط هل تبغين مثلهم
وانا بحاول اساعدك