شتانا مميز في اماراتنا السبع وافديتها انا—-رحلتي الى سووق الجمعة ^^ياااحيني والله^^

مررحبا الغوالي

اول شي حاابة اقوولكم اني امصوورة هالتقرير رووحي من غير لا ادري انه شي مساابقة عدنا فالمنتدى ,,اصلاً كنت قارية العنوان عساس ((شاتنا مميز)) ,,قلت وه بنسوي جات فالمنتدى؟؟ وقمت دخلت الموضوع اثااريه شتانا مميز وعقب استوعبت السااالفة ,,قلت يااا سلااام من حسن حظي ,,عاد انا وحدة 24ساعه زاخه الفوون واجك جك فهالصووور,,ومستحيل ما انكون طالعين مكان الا واصووور فيه ^____^ ,,هالصووور اخليهم عندي فاللاب واكتب على كل ملف يوم الرحلة والتااريخ ,,واسوي فيهم غيااااظ ساعات حق خواتي يوم ما ايووون ويانا

خلوونا اندش بالتقرير وبسنا هذرباااان ^___^

كنت ساايرة سوق الجمعة الصبح ومثل ماكلكم اتعرفوون انه سووق الجمعة يقع في امارة الفجيرة الغناااء

الوقت كان تقريباً الساعه10ونص

فعلاً الجووو خطييير وانا مستحيييييييييييييييييييييييييييل افوووت رووحه حق سووق الجمعه ههههه

خواتي معليش بس بطرانات اشوي ههه ومايحبوون يركبوون البيكب ولأن نحن سايرين نشتري زرااعه حق بيت اخوي فكنا مضطرين نركب البيكب ولا اي سيارة بتحمل زوالي وزراااعه؟؟؟ >_< الا جان يبوون الخسر وانأجر دااينه ها شي ثاااني

المهم بدينا رحلتنا ,,بسم الله (عاد اكره شي يوم تركبين البيكب فاااضي,,اهتزازات من خااااطر طوول الدرب ,,الي فيها الدوورة ما انصحها تركب,,والي تبااا تولد بسررعه ياا حيها ويانا صدقيني ولا بتحسين بألم الولادة ^.^ )

الله يااازين الخضاااار,,هذا اول مكاااان نزلنا فيه ,,اول مشتل على ايدكم اليمين

الله يباااارك ^^

قولوا ما شاء الله ,,

بالله عليكم؟؟ مب ابدااااع؟؟سبحان الله احسن الخالقين

ياويلي عالمتسلق^^ احب هالورد بالذات هاللون منه

شوفوا الصباااار^___^ ,, ولاحظوا الورد الي عأقصى اليمين من تحت لونه بنفسجي الي تحت الصبااار,,اظن اسمه تيوليب ,,واااو

الورد للورد ^^

وبعد ورد ^^ هاي الصوور حق اموونه اختي ,,لأنها اتحب الورد وااايد واتموت عليه,,عسب جذا امكثره صوور الورد

ماقول غير يا بختك كل يوم امجاااابل هالخضااار ,,الله يبارك لك فيه

يتبع

عدنا^___^

الله والله ذكريااااات

هههه ابا العيدية الحييين الحين ,,احيد هالحصالات ما اتم ويانا اسبووع الا كسرناها خلااص جمعنا وااايد >_<

حلوة هاااي الي فوووق ,,المناظر الي اتنزل المااي,,تعطي جو رومانسي فالبيت ^^

سلااامي عليك وعهالريحة الغااوية ^^اتخلي الواحد غصب يشتري^^بس انا ماحب الذرة جذا,,احب آكلها من القووطي>_< ذكرتني هالصوورة بموقف صاارلي يوم كنت فأول ابتدااائي ,,كنا سايرين نفس المكااان اهنا فسووق الجمعة,,وطلبنا ذرة,,عاااد انا كااان خااطري بالقو فيها,,بس ماكانت جذا مطبووخة لأ ,,كانت مشوااايه ,,وتوني يايه ابا آكلها جي ما ينكسر ظرسي الي جدام سويت لهم مناااحة وهاااك الدم ينزل وحالتي حااااااالة حرام انتي تميت اسنيييين ما آكل الذرة لين دخلت السنة الثانية من الجامعة وجربت الذرة الي بالاكواااب ومن يوومها رجعت المياه لمجااريها ^^وتووته تووته خلصت الحدوووته^^

اااااااااااااااااااااه امووت فالمنجااا الاحمر ,,و اموووت عهالالوااان بس للأسف ماصورت واايد منها,,لأن ابووي كان مستعيل وبس يالس يسحبنا صووب الزرااعه>_< كان فخااطري يوووبل هع ادري مب مووسمه بس اشتهيييته

امي وابووي بعدهم يحاوطووون,,ها كم آخر وآخر كم؟؟

هالمشتل الي خذينا منه بالردة

ابداااع الورد ^^ من نفس المشتل

امي بعدها اتحاااوط

يتبع^^

عدنا^^

مممم مكتب البنغااالي ,,اوووه شوفوا الشيرة؟؟ امعلقه فيها اجيااااس يا ترى شو داخلها؟؟

اهااا,,محصوول الزراااعه فالمشتل ,,لا وامعفن بعد يا خساارة

وا غميضتي عالرماااان,,واثناء ما انا مشغوولة فالتشويف ,,أمي وابووي اختاااروا الزراااعه

يلا حمل يا رفيق

محل الزوالي كان جدامنا خلوونا نتشووف

لقطة أخرى

اهااا هاي الرمااادية عيبتني ,,زينة حق حجرتي

زوالي تركية للي يحبون الشغل التركي>>>>>بالذمة؟؟ ما اصلح اكوون مرشدة سياحية

يتبع^^

كناابل ^^

اها امي تبا تشتري حق خواتي الصغاار ,,وال2لازم نفس الشي

تعيبني هالسووالف ,,وكل شي يخص الموورووث عاد احترت بينا هذا

وهذا لأنه اصغر

بس ما خذيت ولا واااحد لأن السيااارة انترست ,,كنت بصيييييح لأني موول ما شريت لي شي

وهاااي رحلتي لسووق اليمعة ان شاء الله عيبتكم ^^

ماشاالله عليج روووووووعه …………

تسلميلي على هالتقرير

سوق الجمعه من الأماكن الي فيهات ذكريا يوم صغيره بس كانت عدنا شروط ما ناكل شعر البنت لانه داقتنه الشمس وكنا نشتريه بالدس والحمدلله طافن الايام ويا دور الصغاريه يسوون نفس الحركه لوول

واهم شي الذره لازم ما تفوتينه مشواي ولا مفور

ما شاء الله على التقرير الحلو بسسيط وسلس واكثر شئ عيبني الصور موفقة