بــــالــي كيف أشــــاــج من بــــالــــي

السلام عليكم ورحمة الله وبركاته

سرت مكان غريب عجيب كل شبرين جو وتضاريس مختلفة ..

الحين قصة حياتي ….

طبعا ً هالكلام شهر 7 اللي خطف , كنت "جالس فحالي ولحالي" وأطالع مواضيع عن جزيرة

موريسيوش و السيشل لأنه خاطري أسيرلهن, وإذ ريلي يدخل ويقول شوفي حجز هاليومين بنسير

بالـــــي الربع يمدحونها ويقولون يتغدون ويتعشون ذبيحه……

ونفس الوقت دخلت وشفت فتادق وطرشتلهم ايميل أبى أحجز وسرت مكتب السفريات عشان التذاكر

وقلتله أبى أسير على الإمارات ولا الإتحاد قال لاااااا على القطرية دايركت قلت فخاطري

وبالباجر ردوا علي أغلب الفنادق بس فندق اللي قريب من المطار وهذا أهم شي بعد رحلة طويلة

لازم فندق قريب فخليت المكتب يحجزه …

وبدت الرحلة ..

وصلنا المطار وانا حاسة اني ناسيه شي وأفكر

وأفكر

وأفكر

ما تتخيلون …

الكاميرااااا <<< وعطاني ريلي نظرة رقم (1) شارنها حق الرحلة وما يبتبها وبشتري من السوق

الحرة …مشكورة

وطرنا على القطرية وكانت لعوزة فضيعه بشكل ما تتخيلونه فقطر وعطاني ريلي نظرة (2)" هذا اللي

يعتمدعليج "

طرنا " دبي " الدوحة " سنغافورة " بالي " <<< واايد دايركت

وصلنا بالسلامة فندقنا فمنطقة جمبران 20 دقيقه عن المطار

وقالي اللي فالرسيبشن أنتوا حجزكم باجر مب اليوم <<< النظرة (3) حلفي انتي بس

ونحن واصلين 9 فليل وما لي بارض قلت له بتعطينا غرفتنا ولا أروح …<< وين أسير كنت بيلس

فاللوبي لين الصبح

جان يعطينا وسرت على طول رقدت

وخلصت رحلتي ..

خخخخ

ونشيت الصبح وهذي فلتنا..

هااذي مت عليها شو مريحه قيلولتي كانت عليها

https://www.abibalivilla.com

هذا موقعهم أنصح فالفندق بقوة

طبعا ً طلعنا وسرنا اماكن فضيعه وكل مرة أطلع أرد أخزن الصور فالاب وأمسحهن من الكاميراا ما

أدري ليش !!!؟؟؟

ويوم رديت من السفر أكتشف أنه نص الصور مب موجوده <<< النظرة (4) ما أصدقج

المهم .. هذا غدانا …

طلعنا العصر على الساعه 4 من الفندق نتمشى و قلت لريلي أبى أسير الشاطئ مشي ونحن ما نعرف

البقعه أبدا ً ومشينا ساعتين وصلنا مكان فضيع وقت الغروب وعقب عرفت انه شاطئ جمبران

من اجمل شواطئ العالم وصورت لين قلت بس ورديت مشي ساعتين وكان

الطريج مظلم ويروع هلكت وسخرية القدر يوم يت البلاد ما لقيت ولا صورة صدق زعلت ..

وبالباجر ركبنا سيارتنا وسرنا لمكان قريب من اللي سرلناه مشي بس مب فروعته

طبعا ً أنا ما أنتبهت كل شوي الموجه تكبر وأنا يالسه أصور لين صار شي ما توقعته …

ودعنا الفندق الأول وطلعنا لمنطقة ثانية أسمها ubud وكنت حاجزه في فندق من الصور خبااااال

وفالدرب سرنا حديقة الفيلة وكانوا اللي يشتغلون يتكلمون إنجليزي بطريقة غريبة وأي شي يقولونه

أقول أوكي وأنا مب فاهمة أتحرى يقولون بتركبون الفيلة وبتمشون ….

ما أدري أنهم بيشركوني فالسيرك ..

وهذا كيووووت ما بغيت أخليه << النظرة (5) صارختي وشليتي البقعه يوم ركبتي على الفيل وشالة

سبال وفرحاااانه

طبعا ً هالمنطقة في وسط بالي منطقة غابات
وصلنا الفندق واسمه Rijasa Agung

أول ما وصلت صورت من اللوبي هالمنظر ….

هذا المسبح فالدور الأرضي عدال غرفتنا

وهذي زاوية من زاويا الفندق الضخم عدال المطعم

وهذي غرفتنا ..

هذا الجاكوزي فالبلكونة غير شكل

هاي البلكونه

وهاي صورة من البلكونه

تحتنا بالضبط شلال ..

أحلى فندق شفته فحياتي حسيت عمري princess والله يا بنات فاااضي بس انا وريلي كأنه حلم

وأحلى شي مطر خفيف طول اليوم …

هذا موقعهم https://www.rijasa.com

قوراب يمشن من عند الشلال على طول النهر مغااامرة

في طريق خااص من فندقنا حق النهر دري طوله 240 دريه " سكه طويلة"

الدري كله طحالب ويطيح مطر فتزحلقت وطحت والمكان وااايد مرتفع بس

الحمد الله ريلي جدامي و زخني ..

نزلت فالنهر وكان بااارد واتسبحت لأني خست طحالب من الطيحه
..

بعد هالعذاب و أطول دري فحياتي أتغديت بيتزا لذيذة وريلي تكا دياي وكان الأكل صدق حلو فسرت حق

الشيف وهي حرمه أبى أيبها عندي البيت ما طااعت …

وهذا صبح اليوم الثاني ودعت الفندق الخيالي ..

رفيق الدرب …

وكل مكان فبالي اتشوفون مزارع العيش …

سرنا شمال أبود أنشوف البركان والبحيرة ..

كان هواا بااارد

سرنا فلة أستراليين الحرمة اسمها دايان وريلها جون شواب يأجرون فلتهم الفضيعه سولفنا وياهم

واتغدينا وللأسف ولا صورة لقيت بس نزلت من النت وطبعا ً فالطبيعه أحلى وأستأجرناها يوم وهي

تنفع لعائلة لأنها واايد كبيرة ويكون لج طباخ خاص وبشكارة وعدالهم فيلا خراافة بس غميضه

الصور ما أدري كيف مسحتهن ..

وهذا موقعهم www.villaasada.com