المهم اليوم اللي قبل الأخير حبيت افجأ بو عبادي بهدية بسيطة واصلا كان يوم ميلادة بعد كم يوم فجدمتله فشو سويت طيارتنا كانت بتقلع من الشارجة لجدة وحده ونص اضطريت ادوام واستأذنت وقبل لارد البيت مريت على حدايق روز وخذت ورد طبيعي مفتت بعشر دراهم وحطيته على ويه الأغراض في الشنطة واول ماوصلت بطلت الشنطة وخشيت كيس الورد وكنت اصلا ماخذتله من باريس جاليري الهدية وعقب اشوي براويكم اياها
وهني الهدية عقب مافتحها وكانت عبارة عن ساعة آجنر ب1800 وعطر أمواج ب500 درهم
وعقب ماطافت الثلاث ايام وكانت من اروع ايامي الحمدلله بدينا انجهز للردة لأنه اختكم ماشاء الله ماخليت شي مايبته خواتي كانوا موصيني ايبلم بعض الأغراض
المهم طلبنا ايون ايسون جيك اوت ونزلوا اغراضنا وحجزنا من الفندق بعد سيارة اجرة ويتنا في الوقت اللي طلبناه ووصلنا مطار جدة وهاي بعض الصور
هاي آخر صورة للفندق من برع وانا مروحة
وهاي الطلابة كانت تبيع وصورتها من السيارة وعقبها صورة من ملاهي واحنا في الطريج لجدة
واحين يوم وصلنا المطار
هذا مخبز المطار طلبنا شي بسيط
وهاي طبعا غرفة المدخنين وممنوع التدخين الا في هاي الحجرة
واهني يوم ينا بنركل الطيارة
وصورة ثانية
وهني يوم وصلنا مطار الشارجة
ويوم طلعنا
وهني يوم وصلنا البيت واحنا أجرنا تاكسي من المطار لأني خليت الدريول ايب اعيالي ويا الخدامات لأني ميته من الوله علييهم فدييتم
وهني لاخليت منها ان شاء الله مرت حميي كانت مجهزتلنا العشاء
وتووته توته خلصت الحدووته …بلييييييز لاتنسوني بدعوة حلوة الله يخليلي ريلي ويحفظ اعيالي ويحققلي كل اللي اتمناه قريبا غير آجل
المشاركة الأصلية كتبت بواسطة *أم خليفه* 
مشكورة غناتي والله يسلمج وعقبالج ان شاء الله ..ومرسي على المرور الرائع
بس لي تعليق بسيط…………إذا ممكن….
الصراحه أنا ما أحب حد يصور الحرم من الداخل
أحسن ان هالمكان طاهر ماب معلم سياحي عشان يتصور
والسموحه
والله يخليلك زوجك وعيالك ويحفظكم جميع
وان شاء الله يتحقق اللي في بالك
ويارب تبلغنا بيتك الحرام
