بنات ابا وحدة خبيره او اي وحدة صاحبه تجربه فالسفر الى ماليزيا تساعدني …
سفرتنا على الطيران الماليزي
بيكون من 4-7-2019 الى 17-7-2019
3 اشخاص
انا والغالي العود والغالي الصغير ( شيبتنا ) 4 سنوات ( اخيرا قررنا نشله) بسبة هذربته وتعليقاته وعقولته برووح اركب الفيل )
المهم
انا اريد كوالالمبووور اخر شيء نتم فيها …
يعني ابا من نوصل نفس اليوم او الي بعده اروووووح على طول لانكاوي ( هذا اهم مكان عندي ) وابا جزيرة ثانيه بعد .. او مكاان راقي وحلوو وطبيعه وجيه …
جنتنغ نقدر نرووحها من كوالالمبور ونبات فيها ليلة او ليلتين… هاي معلومه قريتها فالنت انها حرام محد يبات فيها ومايسدها يوم نبا السنااتر الي فيها والحدايق وكل شيء نشبع منه ..
الحين شووو الاماكن الي اضيفها فالسفره غير لنكاوي ..
وكيف المخطط بيكون ..
طيارتنا بتوصل كوالالمبور ..بعدين نروووح على لانكاوي .. وبشوووو نروووووووووووح.. سمعت فيه فري .. الي هو نقل بحري نفس تركيا ….وحد يمدحه وحد يذمه .. احن ماندوووخ من البحر عادي ..
وفيه طيران..
احينه كيف ارتب توزيع الايام وطرق التنقل …
فيه سياره وسايق لكل ايامنا هناك مثلا..؟؟؟ مايفارقنا ابد ابد ؟؟؟ هل هذا ممكن هههههه؟؟؟؟
شوو الاحلى والاريح فالتنقل من مدينة لمدينة ؟؟ النقل البحري او السياره او الطائرة ؟؟
حطوولي مدن ومنتجعات اضيفها ؟؟ واماكن سياحيه بليييز؟؟؟
انا احب ارتب قبل بفتره … ليش عسب يوم اروح استغل كل دقيقه فالمتعه وماضيع ولا دقيقه ..
يوم سفرتي الهند وتركيا .. كانت منظمه وريلي وووووووووووووايد فرح من ترتيبي .. لاني فاجاته باوراق واسامي وصور واسعار وكل شيء…
فماااتبهدلنا ابد
بليز اختكم في حاجتكم ولا تقصرووون معايه ..
اختكم
دنيا الوله..
عفكره بنات
بخليه فايل لكل معلومه اضمها لبرنامج رحلتنا ..
رحلة العضوه غلا القلب الى لنكاوي
شحالج دنيا الوله
والحمد لله يوم عزمتو تشلون الشبية تراه اهم شي
شوفي الغالية انا بقولج عن رحلتي لشهر العسل شو الايجابيات وشو السلبيات
اول شي
نزلنا مطار كولالمبور وعلى طول لين جنتينج
اجمل مكان في ماليزيا مكان فوق السحاب بارد ومنعش يعني يوم تكونون في الفندق ما تشوفون شي تحتكم غير السحاب ابيييض
وانتو برع بتحسون بالسحاب يمر بينكم
فيه سنتر او سنترين ما اذكر وفيه حديقة العاب حلوة
وفيها بعد مصنع او متحف شمع
انا يلست فيها يومين
وعلى طول سرت مطار كولالمبور وطرنا ليين بيننيغ الصراحة ماحبيتها رطوبة وحر وكل الي فيها حديقة طيور والا حديقة قرود والا حديقة فواكهه والا حديقة فراشات يعني لكل شي حديقة
ونوعا ما ممله
اذا تبين اتسيرين الها حدج يومين
لنكاوي زرتها يوم واحد من بننغ وااايد حبيتها وكل الي سار الها مدحها
وكولالمبور وااايد حلوة انا يلست فيها يومين وحسيت ابهن ما يكفن
سكنت في كولالمبور في فندق المندرارين وااايد حلو وموقعه عدال الابراج بظبط لو تشوفين صور للابراج بيكون لونة بني عداله
والفندق 5 نجوم وفخم ( بس عيبة انه باب الحمام ما فيه قفل )
في جزر حلوة انا ما رحت الها بس قريت عنها
جزيرة الصباح
وفي منطقة كاميرون اعتقد اسمها جذية فيها مزارع الشاي حلوة بس اذا بتسيرين الها لازم بسيارة لمدة 4 ساعات
وصن وية لاقون حلو تريحون فيها اول يومين
يعني ممكن توكون رحلتكم
صن وي لاقون _ جنتنج _ لنكاوي _ كولالكمبور
والحمد لله يوم عزمتو تشلون الشبية تراه اهم شي
بنت الفلاني صراحة اول رد وعطيتيني كم هائل من المعلوووووووومات ………….
وكفيتي ووفيتي
بس انا طمااعه ههههههههههههههههههههه بعد ابا من البنات يكملوون
ومشكوره الحلوه عالرفع
خريطة المطارات والجزر
يم يم
tebrau mall
محل فالمول نفسه
