بنات انشاءالله فالصيف ع شهر 6 راح يتحدد زواجي
وطبعا للحينه ماحجزنا شيء
بس ادعولي ربي يوفقنا 
عندي استفسار لشهر العسل
انا وايد احب السفر
فوين تنصحوني اسافر لمده اسبوعين
انا شفت تقارير اختي AL-Doomah
ووايد حبيت الاماكن اللي زارتها
فياليت الخبيره فالسفر
تسويلي جدول للانتقال والسفر
واذا عندكم شركة سياحية واسعارهم حلوه دلوني عليهم
وكم الميزانيه اللي لازم تكون عندي للتذاكر والفنادق وغيرها
واسمحولي ع الاطاله
ومرحبابج ف مواضيعي نورتي
بالنسبه لـ شهر العسل افضل
المعاريس يروحون جزر وعندج
المالديف وموريشوس
واذا ما حبيتوآ جزر
عندج استراليا وسنغافوره
او استراليا وماليزيا
النمسا وألمانيا
النمسـآ وسويسرا
فرنسا وسويسرا
وكل دوله لها طبيعتها ومزاراتها السياحيه
بالنسبه للمكاتب السياحيه الافضل تحجزين
روحج من النت بيظهرلج ارخص !
المكاتب لازم تاخذ فايده
والميزانيه اتحدد ع حسب التذكره
ونوع الفنادق وصرفيتكم فالتمشي
والاكل . .
موفقه خير يا رب
ساره خالد
مجنونة و تجنن
تسلمون حبيباتي على مروركم الطيب
وبالنسبه للجزر احس بنمل يعني وايد فيها
ولا شورايكم
فنبغي تغير كل ثلاث او اربع ايام فمكان بس طبيعتها تكون خلابه
وعن نفسي افضل بعد اوروبا اكثر عن الدول الاسيويه
لان مابحس بالتغير كثير في دول اسيا
ومن بين هذيل
عندج استراليا وسنغافوره
او استراليا وماليزيا
النمسا وألمانيا
النمسـآ وسويسرا
فرنسا وسويسرا
احترت واخترت النمسا والمانيا
بس بالنسبه للجو فالصيف هل بيكون مناسب وحلوو لشهر العسل برايكم
ولا اختار الدول الاخرى
لاني وايد استانست ع تقاريرج الجميله AL-Doomah
جد طريقة العرض والاخراج عجيبه بحد ذاتها
شوقتيني ازور الاماكن
فتنصحوني وين اسافر فالصيف وخاصه ابغي الجو روعه
وبالنسبه للحجز كيف يعني احجز روحي
احس عباله وايد اختار الفندق والتذاكر اذا اختي تساعديني ع الطريقه الجيده
لاني ماعندي خلفية في هذي المواضيع ؟؟
وتسلمون على هالطله العذبه ..
حلو اختيارج وتسلمين من ذوقج
بالنسبه لـ الجو . . متقلب بشكل
فضيع . . !
ما يثبت مره حر ومره برد ومره مطر
فـ ما عندي علم الوقت لي بتسافرون
فيه شو بيصادفكم !
انتي حددي لي المده والتاريخ والميزانيه
وبحاول ارتب لج الحجز وبساعدج
فالج طيب
