بنات انا سافرت ماليزيا شهر 12 بس الجو كان رطوبة يعني شوي كان مشمس وحار وبصراحه ريلي ما حب الجو وااايد لانه حار
وسرنا بيننج استانسنا فيها وااايد اما لانكاوي لا ملل وطفرنا منها
وسرنا سوان ملاقون ها المنتجع اللي فيه ملاهي مائية وحيوانات والعاب ومول عود
وستانسنه فيه ريلي من النوع االرياضي يحب يلعب ما يحب مكان فيه منظر بس يمل بسرعه
وهسنه ناوين انسير بس بنسير بيننج وجنتج وسوان ملا قون وطبعا العاصمه
بس ابغي منكم معلومات وين تنصحوني اسير اشتري شو اسماء المولات او اسوق ما ابغي مكان وااايد غالي يعني وسط وفيه اشياء حلوه ؟؟
وبغيت اعرف الجو شهر 7 بارد وممطر ولا حااار ؟؟؟
وفي مكان جزيره مثلا سرتوها وحسيتو انها حلوه ؟؟؟
والبرجين شو داخله يعني يستاهل اننا انسيره؟؟؟
وكم يكلفكم فمكتب السفريات لشخصين السفر لماليزيا كل وحده تكتب على حسب المده ؟؟ طبعا بدون الاكل والمشترى بغيت اعرف بس الحجوزات اللي من مكتب السفريات؟؟ظ
وتنصحوني اسير كم يوم سنغافورة وشو المولات الحلوه فيها وفيها متعه ولا ملل ؟؟؟؟؟
انا عن نفسي سافرت ماليزيا شهر العسل @_@ اخر شهر 7 _ 2024
الجو بشكل عام حار بس مب مثل جونا في الامارات
انا عيبتني منطقه الكامرون … طبيعه خلابه وجوها باااااااااااااااااااااااااااااارد شلالات و بحيره رووووووعه …
كوالالمبور ..كان جوها حلو مب وايد حر .. كنا هناك في 10 _شهر 8 حتى ان كان يطيح مطر روووعه … في شارع العرب في سنتر اسمه تو تن (to ten) على ما اظن والله مب متأكدة .. بس عندهم اشياء حلوة
لنكاوي كانت حارة .. بس سرنا منطقه مرتفعه فيها وكااانت باااااردة و طاح نفاف
في بيننج … سوق ليلي و مطاعم عربيه ..
منطقه ..سيلانجور فندق سان واي.. فيها حديقه مائيه اسمها سن واي لاجون .. وااايد حلوة وفيها العاب مائيه
اتمنى اني اكون فدتج في الموظوع
.
وماليزيا جوها حار رطب ممطر طول السنة
… فيها مزرعه الورود و حديقه الفراشات .. ومزرعه الشاي ( فيها كوفي شوب موجود في اعلى قمه في مزرعه الشاي يطل على مناظر خلااااااااابة …)
ومزرعه الفراوله … مزرعه العسل _ ومزرعه الفواكة …
سكنت في فندق وااايد حلو اسمه كاميرون هاي لاند
بالنسبه للمطاعم .. في مطعم هندي اسمه سوريا في منطقه نسيت اسمها بس فيها حرف التاء ..يمكن (تارانتا )
3 ليالي تكفي للكاميرون