انا من كام يوم راده من بانكوك وبخبركم عن سالفه صارت لي
المره الاولى كنت مع اختي في محل في منطقة باتونام المحل يبيع اكسسوارات
وكان زحمه وانا واقفه احس ورايه ناس يتدافشون وفجاه طاحت شنطتي من فوق كتفي لانها سيرها طيل المهم رجعتها مكانها وقلت انا ما احب اشتري في الزحمه بدفع وبطلع
سحبت شنطتي عشان ادفع ولقبت الشنطة مفتوحه والبوك اللي داخلي مختفي طبعا كلمت صاحبة المحل سوت عمرها مب فاهمه شو اقول وكلمت السكيورتي اللي كان واقف فقال سيري اشتكي في مركز الشرطه فقلت له شو الفايده انا اسير اشتكي اكيد الحرامي شرد ما بينتظر الشرطه
وقلت الحمد الله ان الموجود كاش فقط وان بطاقاتي مخلتنهم في السيفتي بوكس في الفندق
الحادثة الثانيه كنت في مركز ام بي كي وكان يوم الاحد او السبت وكان بعد زحمه وانا واختي وكنا نبغي الدور اللي فوق فاستعملنا السلم المتحرك وتوني واقفه الا احس في شي من ملابسي او شيلتي المهم شي ينسحب على خفيييييييف فالتفت بسرعه الا اشوف وراية حرمه تايلنديه قصيره وشنطت دايره ورايه ومفتوح نصها يعني ما لحقت تفتحها كلها جان اطالعا بنظرة اخوفها جان تسوي عمرها ما لها خص وتطالع وراها المهم خذت شنطتي ودخلتها في رقبتي ولفيتها جدام وحطيت ايدي عليها قلت يالله عاد مب كل مره انسرق هههههه
وحبيت احذر كل من يروح بانكوك ان ينتبه من الحراميه وبالذات سوق الجمله والاماكن اللي فيها زحمه واخر مره في سوق بلاتينيم سمعت اعلان في المايك يحذرون الناس من النشالين فقلت اخبركم ان تنتبهون وتنبهون صديقاتكم ومعارفكم
وربي يعوضكم كل خير
وربي يعوضكم كل خير
بس الحمد لله ما صادفني هالأشكال_
بعضهم ايدهم خفيفه ،،
حسبي الله ونعم الوكيل عليهم