بما ان الاغلبية مابيسافر في الربيـــع قولي لنا وين الصيف؟

انا كنت حاطة العين على سيرلانكا

ولكن تخبلت على سلوفاكيا

بنروح تقريبا اخر شهر 6

انا واخوي
وبنت عمي واخوها

مخطط رحلتنا

5 ايام سلوفاكيا صوب منطقة جبال تتار والكاربات راح نكسن في اكواخ اوربية الليلة ب 35 يورو

يومين النمسا وراح نبات في عاصمة سلوفاكيا تبعد عن فيينا 70 كيلو بس والاسعار ربع سعر فيينا حصلنا الشقة المفروشة 17 يورو والنمسا بس تسوق والمطار وجولة في فيينا

وحسبنا التكلفة بالكامل الشخص 6000 درهم من غير الهدايا

5 ايام بولندا صوب كراكوف والمنطق الجنوبية عند الحدائق الوطنية والغابات

حصلنا كوخ اوربي اليوم ب 50 دولار بس

بعدنا ما قررنا

بس اكيد للحين 70%

أنا وريلي قررنا ان شاء الله ف الصيف ع بداية شهر 7 ..
نروح فرنسا وسويسرا وبالضبط ف سويسرا انترلاكن ..
وتقريبا بنقعد بفرنسا 5 ايام وسويسرا 5 ايام .. بس بعدنا ماخططنا ..

انا عرسي في اول 6 وان شالله بنسير النمسا والمخطط بعده ماجهز يعني جاري البحث وجي كل مكان كم يوم بنيلس فيه

بالفعل بنات الموضوع وايد وايد حلو انا هم ما دري وين اسافر الصيف الماضي سرت سويسرا والمانيا وفرنسا وايطاليا ونمساء ولندن شهرين وعقبها سرت شرق اسياء وسايره استراليا وامريكا ريلي ما يداني يسير راسي مدور مدري وين نسير ها الصيف صدك اقتراحتكم فديتكن

لين الحين هب مقررين